Juan 3:15 - Nuevo Testamento Romané 2007

¹⁵ gia suako lleno kai pachal ande mande te avel le zivoto ostade.

Juan 3:15 Iomraidhean Croise

Mateo 18:10

“Dikken te na den e zea gale minonen kai pachan ande ma, soke me ppenau tumenge kai ando miloso lenge suechura suako llive dikken o mui me Dadeko kai si ando miloso,

Mateo 25:46

Gala ka llan kai e duk ostade, a e chache ka llan kai o zivoto ostade.”

Marko 16:16

Gua kai ka pachal ta ka avel kristime ka avel braduime; a gua kai ni ka pachal, ni ka avel braduime.

Lukas 19:10

Soke o Chavo e manuseko avilo te rodel ta te braduil so jasailoa.

Juan 1:12

A sa golen kai lie le, golen kai pachan ande leko anau dia len e dragostia te sai cherdon chave e Devleke.

Juan 16:33

Sa gala ezgode ppendemlem tumenge te avel tumen pas ande mande. Ando sueto ka avel tumen brige, A vazden tumari vera soke me dobisardem e sueto.

Juan 20:31

A gala avava pisisaile te pachan tumen kai o Jesus si o Mesias, e Devleko Chavo, ta te pachana te avel tumen zivoto ostade ande leko anau.

Juan 3:16

“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Juan 3:36

Gua kai pachal ande Devleko Chavo si le zivoto ostade; A gua kai ni kamel te pachal ando Chavo ni ka dikkel o zivoto, ta e joli e Devleki si pe lete.”

Juan 5:24

“Chachimaia ppenau tumenge kai kogo asunel mo alau ta pachala ande gua kai bichalda man, si le zivoto ostade; ta ni ka avel proketo soke katar o meripe nakklo kai o zivoto.

Juan 6:27

Na radisaren pala o jape kai jasaol, radisaren pala o jape kai inllarel karing o zivoto. Gava si o jape kai ka dau tumen me, o Chavo e manuseko, soke man esvirisarda o Dad, kai si o Del.

Juan 6:40

Soke e volia me Dadeki si gaia: Sa gola kai dikken e Chave, ta pachan ande lete, te avel len zivoto ostade a me ka cherau len te usten katar o meripe kana ka avel o son e suetoko.

Juan 6:47

Chachimaia ppenau tumenge, kogo pachal ande mande, si le zivoto ostade.

Apostole 13:41

‘Dikken, tumen kai maren espurnia, chudin tumen ta nasen; soke ande tumare llivesa ka cherau iek ezgode kai i te ppenela la vareko tumenge ni ka pachanle.’ ”

Apostole 8:36

Mapalal, kana nakkena pasa iek pai, o etiope ppenda: —Kate si pai, ¿si vareso te achavel man te na avau kristime?

Romanos 5:21

Gia sar o bilachipe charoisarda ta anda o meripe, isto gia o volipe e Devleko charoisarda, goleke o Del llinda amen chache ta dia amen o zivoto ostade pala amaro Gazda o Jesukristo.

1 Korintios 1:18

E orba katar o meripe e Jesukristoko po krusto si iek dilipe golenge kai ka jasaon, a golenge kai braduinpe, gava si amenge, gaia orba si zor e Devleki.

2 Korintios 4:3

A e lachi viasta kai ppena te si uchardi sargo iekke dikklea, si samo golenge kai jasaon.

Galatas 2:16

A llana kai niko inai llindo chacho soke cherel so ppenel o zakono, o manus si llindo chacho soke pachal ando Jesukristo. Goleke i amen pachaiam ando Jesukristo ta gia o Del llinel amen chache cheres gua pachape a na soke chera so ppenel o zakono. Soke niko ni ka avel llindo chacho soke cherel so ppenel o zakono.

Galatas 2:20

Ta akana ni ziviu me, o Kristo zivil ande mande. Ta o zivoto kai akana ziviu ande esnaga ziviule cheres o pachape kai si man ande Devleko Chavo kai volisarda man ta dia po zivoto pala ma.

Ebreos 10:39

A amen ni sam gole llenendar kai irinpe palpale ta llan kai po jasardipe, amen sam llene kai resa te la o braduipe soke pachaiam ando Del.

Ebreos 7:25

Goleke sai braduil ostade sa e llenen kai aven cheres le pasa o Del, soke o Jesus zivil ostade ta suako drom mangel e Devletar cheres lende.

1 Juan 2:25

Gava si o alau kai dia amen o Jesukristo: O zivoto ostade.

1 Juan 5:1

Suako lleno kai pachal kai o Jesus si o Kristo, biando e Devletar si; a suako lleno kai volil po Dad i pe leke chave volil.

1 Juan 5:20

I amen llana kai o Chavo e Devleko avilo ta cherda te pinllara e Devle o chachuno; ta amen sam e Chavea o Jesukristo. Gava si o Del o chachuno ta o zivoto ostade.