Juan 2:11 - Nuevo Testamento Romané 2007

¹¹ Gaia si e purvo drom kai o Jesus cherda iek bari ezgoda Devlikani ando foro kai ikkardola Kana katar e ppuv e Galileaki, ta golea sikada pi zor, a leke disipulura pachaie ande lete.

Juan 2:11 Iomraidhean Croise

Juan 1:14

Ta gua Alau cherdilo manus, ta inzarda pi chara maskar amende, pperdo volipe ta chachipe; ta dikklam leki dragostia, dragostia sar o edino Chavo e Devleko.

Juan 1:17

soke o zakono diale katar o Moises, a o volipe ta o chachipe avile katar o Jesukristo.

Juan 1:43

Ttiarinako mangla o Jesus te llal ande ppuv e Galileaki; malada e Felipe ta ppenda leke: —Aide pala ma.

Juan 1:50

O Jesus ppenda leke: —¿Soke ppendem chuke “Dikklem tut telal katar e simochina” pacha? Ezgode mai bare galendar ka dikke.

Juan 10:41

A but llene avena lete, ta ppenena: —Chache si, kai o Juan ni cherda ni iek bari ezgoda Devlikani, a sa so ppendaia katar gava lleno, saia o chachipe.

Juan 11:15

Ta veseliu man kai me ni sema kote, pala tumende, te sai pachan. Akana aven lete.

Juan 11:47

Ondaka e fariseura ta e mai preche popura chidie e kris, ta ppende: —¿So ka chera? Gava lleno cherel but bare ezgode.

Juan 12:18

Goleke e llene avile angla lete, soke asundea kai o Jesus cherdaia gaia ezgoda.

Juan 12:37

O Jesus cherda but bare ezgode, ta von ni pachana ande lete;

Juan 12:41

O Isaias ppenda gava kana dikkla e Jesuseki dragostia, ta ppendaia cheres lete.

Juan 14:13

Ta sogo tumen mangena e Dadetar ande mo anau, ka cherau le, te sai avel o Dad blagosime.

Juan 16:27

soke isto o Dad volil tumen. Volil tumen soke tumen volil man, ta pachaien kai avilem e Dadetar.

Juan 16:30

Akana amen achara kai llane sogo si e ezgode, ta ni trubul niko te puchel tut. Goleke amen pacha kai avilan e Devletar.

Juan 2:1

Pala e trin llive cherde iek biau ando foro kai ikkardola Kana katar e ppuv e Galileaki. Kote saia e Jesuseki dei,

Juan 2:23

Kana o Jesus saia ando Jerusalem ande llivesa katar e Paskua, but llene pachaie ande leko anau kana dikkena e ezgode kai vou cherela.

Juan 3:2

Vou avilo iek riat kai o Jesus, ta ppenda leke: —Kovachi, llana kai avilan e Devletar te sikave, soke niko nasti cherel bi e Devleko e bare ezgode Devlikane kai tu chere.

Juan 4:3

Kana o Jesus llanglale, llelotar katar e Judea ta avilo pale ande ppuv katar e Galilea.

Juan 4:46

O Jesus avilo pale ando foro kai ikkardol Kana, kote kai cherdaia o pai mol. Ta saia kote iek sudo baro e charoko kai leko chaurro saia nasualo ando foro kai ikkardol Kafarnaum.

Juan 4:54

Gaia sai e duito bari ezgoda Devlikani kai cherdaia o Jesus kana avilo pale katar e Judea ande Galilea.

Juan 5:23

te blagosin saurre e Chave gia sar blagosin e Dade. Kogo ni blagosil e Chave ni blagosil e Dade kai bichalda le.

Juan 6:14

Gola llene, kana dikkle e bari ezgoda Devlikani kai o Jesus cherdaia, ppende: —Chache si, kai gava si o porauko kai saia te avel ando sueto.

Juan 6:2

Ta llana pala lete but llene, soke dikkena e bare ezgode Devlikane kai cherela e nasualenchar.

Juan 6:26

O Jesus ppenda lenge: —Chachimaia ppenau tumenge kai tumen ni roden man pala e bare ezgode Devlikane kai cherdem, tumen roden man pala o marrno kai jalen ta chalilen.

Juan 6:30

Ondaka puchle le: —¿Savi ezgoda Devlikani ka chere, te dikka ta te pacha tut? ¿Savi buchi chere?

Juan 7:31

But llene pachaie ande lete, ta ppenena: —Kana ka avel o Mesias, ¿ka cherel mai but bare ezgode Devlikane neko gala kai cherel gava?

Juan 9:16

Nesave fariseura ppende: —Inai e Devletar gua kai cherda gava soke ni kandel o sabado. Aver ppenena: —¿Sar sai cherel gala bare ezgode Devlikane te si bilacho? Ta von janape maskar pete,

2 Korintios 3:18

Goleke, akana kai saurre sam bi e dikklea kai ucharela amaro mui, sam sargo iek geldala kai sikavel o baripe e Gazdako, ta amaro zivoto pparudol prema lete, ta suako drom si amen mai but katar leko baripe, ta gava si cheres e buchi kai cherel o Duo e Gazdako.

2 Korintios 4:17

E patnia kai nakka ande gava zivoto si lokki ta oma ka nakkel, a fala kai cheres e patnia o Del ka pperel amen katar pi dragostia kai ka achel ostade; iek dragostia bari ta pperdi veselia.

2 Korintios 4:6

Soke isto o Del kai cherda te likel o villelo katar o truñariko, vou si kai cherda te bariol leko villelo ande amare lie, te sai da gua villelo averen ta te sikava e zor e Devleki kai klichil po mui e Jesukristoko.

1 Juan 5:13

Me pisiu tumenge kai pachan ande Devleko Chavo te llanen kai si tumen o zivoto ostade.