“Etalo kote mo esluga kai me esvirisardem, vou kai voliu le, vou kai veselil mo zivoto; Ka ttovau mo Duo upral pe lete, ta ka del orba katar e kris e llenenge kai inai judiura.
A kana o Pablo dia leke orba katar o zivoto ando chachipe ta te gazdaril o manus pe pete, ta katar e kris kai si te avel, ondaka o Feliks darailo ta ppenda leke: —Akana llatar. Me ka ikkarau tut kana ka avel man vreme.
Te putare lenge akka te na ppiren ios ando truñariko, ta te llan ando villelo; te na gazdaril pe lende o Satanas, ta te llan pala o Del; te pachan ande mande ta gia te len o prostipe ta te aven katar o santo foro e Devleko.’
Goleke tumen na chinen kris gia oma; aduricharen kana ka avel o Kristo, vou ka ikanel ando villelo so akana si ando truñariko, ta ka sikavel so si ando lio. Ondaka o Del ka del suakone llene so perel le.
Goleke sar von ni pachan, o del gale suetoko cherda len korre, te na acharen ta te na dikken o villelo katar e lachi viasta katar Kristo o baro, soke letar sikadol o Del.
O Del lia e duonendar lengi zor ta lengo gazdaripe, ta pala o Kristo ttoda len ando lallao angla sa, ta inllarda len ppangle kana dobisarda len po krusto.
Gia, sar iek vicha si katar iek mas ta katar iek rat manuseko, isto gia o Jesus cherdilo mas ta rat manuseko, ta gia te sai dobil pe merimaia gole kai saia le e zor te sai mundarel, gava si o llavolo.
o e orba katar o kristope, o e orba katar e va ttodine pe manus kai pachan, o e orba cheres sar ka usten katar o meripe e mule, o katar e kris kai si te avel.
A o miloso ta e ppuv kai si akana isto cheres gua alau e Devleko si chinade e iagake ta isto goia iag ka ppabaren len ando llive e krisako kai si o llive kana ka jasaon e bilache.
a gua kai cherel o bilachipe si e llavoloko, soke o llavolo cherel o bilachipe sar kana o Del cherda e manusen. Goleke avilo o Chavo e Devleko te zatrisarel e llavoloki buchi.