Juan 15:16 - Nuevo Testamento Romané 2007

¹⁶ Tumen ni esvirisaden man, me esvirisardem tumen, ta ttodem tumen te den ta te inllaren but drak, ta tumari drak te achel. Sogo ka mangen me Dadetar ande mo anau, vou ka del tumen.

Juan 15:16 Iomraidhean Croise

Mateo 21:22

Ta sa so mangena ando molipe pachamaia, ka len le.

Mateo 7:7

“Mangen ta ka avel tumenge dino, roden ta ka malaven, maren po udar ta ka putaol tumenge.

Lukas 6:13

Kana llivosaila, ikkarda pe disipulonen ta esvirisarda desuduien lendar, ta ttoda lengo anau apostolura.

Juan 13:18

“Ni ppenaule pala sa tumende; me llanau ka esvirisardem. A si te cherdol so si pisime: ‘Gua kai jal manchar marrno, vazdinailo pe mande.’

Juan 15:19

Te avilena e suetoke, o sueto volisardaia tumen sar volil so si leko. A me esvirisardem tumen katar o sueto, goleke o sueto murzil pe tumende, soke ni sen e suetoke.

Juan 15:5

“Me sem o kas drakkengo a tumen e krangura. Gua kai achel ande mande a me ande lete, gava del but drak; soke bi murno tumen nasti cheren niso.

Juan 6:70

O Jesus ppenda lenge: —¿A ni esvirisardem me tumen e desuduien, ta iek katar tumendar si iek llavolo?

Apostole 1:24

Ta molisaile gia: “Gazda, tu kai pinllare sa amare lie, ppen amenge save katar gala dui esvirisardan

Apostole 1:8

A kana o Santo Duo ka avel upral pe tumende, ka len zor ta ka llan te den mi orba ando Jerusalem, ande sa e Juda ta e Samaria, ta pe ttana kai si mai dur pe ppuv.

Apostole 10:41

Ni sikadilo sa e foroke, vou sikadilo amenge, soke o Del esvirisarda amen mai anglal, te dikka sa so cherda. Ta amen jalam ta pilam lea kana ustilo katar o meripe.

Apostole 22:14

Mapalal ppenda mange: ‘O Del amare dadengo esvirisarda tut te pinllare leki volia, ta te dikke e Jesuse kai si chacho ta te asune leko avazi.

Apostole 9:15

A o Gazda ppenda leke: “Lla, soke esvirisardem gole llene te del orba mandar e llenenge katar aver ppuvia, ta lenge charonenge, ta i e llenenge katar o Israel.

Romanos 1:13

Mangau te llanen pplalalen, kai but droma mislisailem te llau te dikkau tumen, ta nasti llelem. So me mangau si te ppenau e lachi viasta maskar tumende, gia sar ppendemla e llenenge kai inai judiura, te sai pachan mai but llene ando Jesukristo.

Romanos 1:5

Ta katar o Jesukristo liem e dragostia te avau apostol ta te avau leko esluga, te sai aven ande sa e ppuvia llene te pachan ande lete ta te kanden le.

Romanos 15:4

Sa so pisisarde omanglal si te sikiva. Ta gala alava den amen zor te cheren amen te terpi ta den amen pachape ande so adurichara.

Romanos 9:21

O lleno kai cherel piria chikake vou sai cherel so mangela e glibotar, isto gole glibotar sai cherel iek lelleno chistomake ta iek poganimake.

1 Korintios 10:11

Sa gala ezgode nakkle amare puranenge ta achilo pisime ando Pisipe, te sai sikiva amen kai zivi ande gava vreme mai paluno.

Galatas 1:15

A o Del volisarda man pe gachin kai esvirisarda man kana me ni sema ni biando ta ikkarda man soke o Del si but lacho,

Efesios 2:10

Soke o Del si kai cherda amen; vou cherda amen ando Jesukristo te sai chera lache ezgode, ta te ppira po drom kai vou lacharda amenge mai anglal.

Kolosenses 1:23

A te avelpe gia, morabi te ttoven tumaro pachape ande orba katar e lachi viasta kai asunden. Gaia si e orba katar e lachi viasta kai ppendili pe suako rig katar e ppuv, ta kai me o Pablo pomoziu te ppendol.

Kolosenses 1:6

ta sar kai avili tumende gaia orba, barili ta dikkol so cherel pe suako rig katar e ppuv, isto gia sar avilape maskar tumende sar kai asunden katar o volipe e Devleko, ta acharden leko chachipe.

1 Timoteo 2:7

Goleke sem ttodo te ppenau gaia orba ta i apostol, ta si man o rado te sikavau katar o pachape ta katar o chachipe e llenenge kai inai judiura. So ppenau si chachipe; ni kojavau.

2 Timoteo 1:11

O Del dia man o rado te ppenau gaia lachi viasta ta bichalda man sar apostol ta kovachi.

2 Timoteo 2:2

So asundan kai me ppendem angla but llene, ppenle i tu e llenenge kai uzdi tut ande lende kai ka llanen te sikavenle averenge.

Tito 1:5

Kana muklem tut ande Kreta, cherdemle te lachare so muklana bi lachardo ta ande suako foro te ttove ppuren ande kkanlliri, gia sar ppendem chuke.

Ebreos 11:4

Pala o pachape, o Abel dia mai lacho kurbano e Devle neko o Kain, goleke o Del ppenda kai vou saia chacho ta o Del mangla te lel so diaia le o Abel. A o Abel si mulo ta llik akana sai sikiva katar leko pachape ando Del.

Santiago 3:18

Ta gola kai roden e pas maskar e llene, ka avel lenge dini e pas ta o chachipe.

1 Pedro 3:15

den liubao e Kristo sargo Gazda ande tumaro lio. Ta suako llive te aven lacharde te sikaven e llenenge kai puchen tumen ande so pachan tumen,

1 Pedro 3:2

soke von ka dikken kai tumen sen lache ta kai blagosin e Devle.

1 Juan 4:10

Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.

1 Juan 4:19

Amen voli soke vou volisarda amen mai anglal.