Juan 13:14 - Nuevo Testamento Romané 2007

¹⁴ A me, o Kovachi ta o Gazda, jaladem tumare porrne, goleke i tumen si te jalaven tumare porrne iek avereke.

Juan 13:14 Iomraidhean Croise

Juan 11:2

Goia Maria kai lako pplal saia o Lasaro, saia goia kai jaladaia e Jesukristo e merisoia, ta koslaia leke porrne pe balenchar.

Apostole 20:35

Ta sa o vreme sikadem tumen kai gia si sar trubul te radi ta te pomozi golen kai trubul len, ta te da amen golli katar gola alava kai o Gazda o Jesus ppenda: ‘Mai but veselia si kana de neko kana le.’ ”

Romanos 12:10

Volin tumen sargo pplalorre iek avere, ta traden liubao maskar tumende.

Romanos 12:16

Zivin lachimaia iek averea ta na istardon. Na cheren tumen mai bare katar aver; dikken averen sargo isto tumen. Na mislin tumen kai tumen sen e mai bizai.

1 Korintios 12:3

Goleke akana mangau te llanen kai niko kai del orba katar o Duo e Devleko nasti ppenel: “¡prokleto te avel o Jesus!,” ta niko nasti ppenel: “¡o Jesus si o Gazda!,” te na avela katar o Santo Duo.

1 Korintios 8:13

Goleke, te cherava te perel me pplale ando bilachipe pala o jape, morabi te na jau mas nikada, te na cherau le te perel.

2 Korintios 10:1

Nesave ppenen kai sem but darano kana sem maskar tumende, a kana sem dur ppenen kai sem but tromano.

2 Korintios 8:9

Tumen llanen kai amaro Gazda o Jesukristo, pala o volipe kai si le pala tumende cherdilo chorro kana vou saia barvalo, ta gia cheres leko chorripe tumen te cherdon barvale.

Galatas 5:13

Pplalalen, tumen sen ikkarde te aven mukliarde. A cheres gua mukliardipe kai si tumen na cheren o bilachipe kai mangel tumari esnaga. So si te cheren si te radin iek avereke cheres o volipe.

Filipenses 2:11

ta te llanen saurre kai o Jesukristo si Gazda, te avel blagosime o Del o Dad.

1 Timoteo 5:10

Si te aven pinllarde kai cheren o lachipe, kai llangle te bariaren pe chaurren, kai avile pachivale e llenenchar kai den ande lako cher, kai jalade e porrne e llenenge kai si katar o santo foro, kai pomozisarde e llenen kai nakken nuzde, ta kai llangle te cheren suako lachipe.

Ebreos 12:2

Morabi te dikka po Jesus, soke letar avel amaro pachape ta vou si kai bariavel le. O Jesus terpisarda o krusto, ta ni ttoda sama po lallao katar gua meripe, soke llanela kai pala e patnia ka avel le e dragostia ta e veselia; ta beslo pe rig e chachi e Devleki ande leki charoina.

1 Pedro 4:1

Goleke sargo o Kristo kai nakkla patnia ande pi esnaga, i tumen morabi te cheren sargo vou soke te nakken patnia sargo o Kristo ni ka cheren ios bilachipe,

1 Pedro 5:5

Isto gia tumen e terne morabi te kanden golen kai gazdarin ande kkanlliri ta te kanden iek avere postenimaia, ta na te istardon soke: “E Devleke inai drago e llene kai istardon, a pomozil e llenen kai lengo lio si kovlo.”