Juan 11:51 - Nuevo Testamento Romané 2007

⁵¹ A o Kaifas ni ppenda gaia orba vou petar, soke gua burs vou saia o mai baro popo, ta kana ppenda kai o Jesus saia te merel pala e ppuv vou ppanda iek porouka;

Juan 11:51 Iomraidhean Croise

Mateo 20:28

sargo o Chavo e manuseko kai ni avile esluge te radin leke, vou avilo te radil lenge ta te del po zivoto, ta pe zivotoia te pochinel amen.

Juan 10:15

gia sar pinllarel man mo Dad ta me pinllarau le; ta ttovau mo zivoto pala e bakre.

Juan 11:49

A iek lleno lendar, kai ikkardola Kaifas kai saia o mai baro popo gua burs, ppenda lenge: —Tumen ni llanen niso,

Juan 18:13

Mai anglal inllarde le angla o Anas, soke saia o sastro e Kaifaseko, kai saia o mai baro popo gua burs.

1 Korintios 13:2

I te avela man dini e porouka te llanau so si te avelpe, ta te llanava sa e ezgode gurudine e Devleke ta sa o bizaipe, ta te avela man iek pachape gia baro kai sai miskou e burdura, ta te na avela man volipe, ni sem niso.

2 Korintios 5:21

O Kristo ni cherda ni iek bilachipe; a cheres amende o Del llindale bilacho te sai llinel amen chache e Devleke ando Kristo.

Galatas 3:13

O Kristo braduisarda amen katar e prokestia e zakonoki ta cheres amende cherdilo proketo, soke ando Pisipe ppenel gia: “Proketo gua kai umblaven le pe iek kas.”

1 Pedro 2:24

O Kristo inllarda amare bilachipe ande leki esnaga, te sai amen te ava lache, ta te na chera ios o bilachipe. Vou saia mardino te aven tumen saste.

1 Pedro 3:18

Soke o Kristo mulo pala amaro bilachipe iek drom ostade. Vou saia bidosako a nakkla patnia pala e llene bilache te inllarel len kai o Del. Ande pi esnaga manuseki mulo; ta ustilo katar o meripe ande iek zivoto duoko.

1 Juan 2:2

Vou si o kurbano pala amaro bilachipe; ta inai samo pala amaro bilachipe, vou si kurbano i pala sa o sueto.