Juan 1:29 - Nuevo Testamento Romané 2007

²⁹ Ttiarinako o Juan dikkla kai o Jesus avela lete, ta ppenda: “¡Etalo kote e Devleko Bakro, kai ikanel o bilachipe e suetotar!

Juan 1:29 Iomraidhean Croise

Mateo 1:21

Ta ka maladol lake iek minono ta ka ttove leko anau, Jesus, soke vou ka braduil pe foro katar lengo bilachipe.

Mateo 20:28

sargo o Chavo e manuseko kai ni avile esluge te radin leke, vou avilo te radil lenge ta te del po zivoto, ta pe zivotoia te pochinel amen.

Juan 1:35

Ttiarinako pale saia o Juan, ta dui katar leke disipulura.

Juan 1:36

Ta kana dikkla kai o Jesus llala kotar, ppenda: “¡Etalo kote e Devleko Bakro!”

Juan 1:43

Ttiarinako mangla o Jesus te llal ande ppuv e Galileaki; malada e Felipe ta ppenda leke: —Aide pala ma.

Juan 2:1

Pala e trin llive cherde iek biau ando foro kai ikkardola Kana katar e ppuv e Galileaki. Kote saia e Jesuseki dei,

Juan 3:16

“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Juan 4:42

ta ppenena gole diskiniake: —Akana amen pacha, na samo pala che alava soke isto amen asundam le, ta llana kai de istina vou si kai braduil e sueto.

Juan 6:51

Me sem o marrno llundo kai fulisto katar o miloso; kogo jala katar gava marrno ka zivil ostade. A o marrno kai me ka dau si mo mas, kai me ka dau pala o zivoto e suetoke.”

Apostole 13:39

Ta cheres lete sa gola llene kai pachan achen prostime katar suako ezgoda ta gava kai lien nasti lienle katar o zakono e Moiseseko.

Apostole 8:32

Ta gava saia o pisipe kai chitila: “Inllarde le sargo iekke bakre kai inllardol te mundaren le; Sargo iek bakro kai ni basel angla e llene kai chinen leke bal, ta gia ni putarda po mui.

1 Korintios 15:3

So mai anglal sikaden tumen si isto so me sikilem, kai o Kristo mulo pala amaro bilachipe, isto gia sar ppenel o Pisipe;

2 Korintios 5:21

O Kristo ni cherda ni iek bilachipe; a cheres amende o Del llindale bilacho te sai llinel amen chache e Devleke ando Kristo.

Galatas 1:4

O Jesukristo diape kurbano cheres amaro bilachipe, te braduil amen katar o bilachipe kai si akana ande gava sueto bilacho, soke gia mangla amaro Del ta Dad.

Galatas 3:13

O Kristo braduisarda amen katar e prokestia e zakonoki ta cheres amende cherdilo proketo, soke ando Pisipe ppenel gia: “Proketo gua kai umblaven le pe iek kas.”

1 Timoteo 2:6

Soke vou pochinda pe zivotoia te sai braduil sa e sueto, ta katar gala ezgode diape e orba chachi orta po vreme.

Tito 2:14

Vou mulo pala amende te ikanel amen katar o bilachipe, te chistol amen ta te cherel amen te ava leko foro, ta te ava vrene te chera o lachipe.

Ebreos 1:3

O Chavo sikavel amenge o baripe e Devleko, soke vou si isto sar si o Del ta si pe suako ezgoda, ta pe bare zoriaia cherel sa e ezgode te avel len zivoto; ta vou cherda te prostil amen o Del katar amaro bilachipe, ta mapalal llelo ando miloso ta beslo pe rig e chachi e Devleki, kote kai si leki charoina.

Ebreos 2:17

Ta te sai pomozil len saia te cherdol sargo von. Goleke soke cherdilo sargo amen, sai cherdilo o mai Baro Popo kai ande lete sai avel e manuse vera, soke si pperdo volipe te radil e Devleke, ta pala leko meripe cherda o Del te prostil amen katar amaro bilachipe.

Ebreos 9:28

isto gia o Kristo diape iek drom te lel o bilachipe katar but llene. Ta mapalal vou ka avel pale, ta ni ka avel le ni iek posla e bilachimaia, vou ka avel te braduil golen kai aduricharen le.

1 Pedro 1:19

vou braduisarda tumen cheres e Kristoko rat. Kai saia dino sargo iek kurbano lacho vi dosako.

1 Pedro 2:24

O Kristo inllarda amare bilachipe ande leki esnaga, te sai amen te ava lache, ta te na chera ios o bilachipe. Vou saia mardino te aven tumen saste.

1 Pedro 3:18

Soke o Kristo mulo pala amaro bilachipe iek drom ostade. Vou saia bidosako a nakkla patnia pala e llene bilache te inllarel len kai o Del. Ande pi esnaga manuseki mulo; ta ustilo katar o meripe ande iek zivoto duoko.

1 Juan 2:2

Vou si o kurbano pala amaro bilachipe; ta inai samo pala amaro bilachipe, vou si kurbano i pala sa o sueto.

1 Juan 3:5

A tumen llanen kai vou likisto te chistosarel amen katar o bilachipe, soke ande le inai bilachipe.

1 Juan 4:10

Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.

Apokalipsis 1:5

ta i katar o Jesukristo, kai ppenel o chachipe, ta si o purvo kai ustilo katar o meripe ta kai gazdaril pe sa e charura katar e ppuv. O Kristo volil amen ta jalada amen katar amaro bilachipe pe ratea,

Apokalipsis 12:11

Ta von dobisarde le pala o rat e Bakreko, ta pala lenge alava e chache, ta lenge ni mola niso lengo zivoto, ta ni chitilape lenge te meren.

Apokalipsis 13:8

Ta blagosisarde la sa e llene kai zivin pe ppuv, gola kai lenge anava inai pisime ando lil katar o zivoto e Bakreko, kai saia dino kurbano mai anglal katar gava sueto.

Apokalipsis 14:1

Mapalal dikklem e Bakre kai saia pe porrne upral po burdo katar o Sion. Lea sea stotina ta saranda ta star milie llene, kai saia pisime pe lengo chikat o anau e Bakreko, ta leke Dadeko.

Apokalipsis 14:10

i vou ka piel e mol katar e Devleki joli kai avilo ttodo chisto ando taso katar leki joli; ta ka nakkel bari patnia ande iag ta ando asufre, angla e sante suechura ta angla o Bakro.

Apokalipsis 14:4

Von si gola kai nikada ni amisaile diskinienchar. Von si gola kai llan pala o Bakro kai go llal vou. Von si braduime maskar e llene, sargo so si dino mai anglal e Devleke ta e Bakreke.

Apokalipsis 15:3

Ta llilabena e Moiseseki llili, o esluga e Devleko ta e llili e Bakreki, ta ppenena: “Baro ta sukar si sa so cherdan, Gazda, Devla kai si tut sa e zor orta ta chachune si che droma, Charo katar o santo foro.

Apokalipsis 17:14

Ka marenpe e Bakrea; ta o Bakro ka dobil len, ta lea si gola kai o Del esvirisarda ta si chache soke vou si Gazda e gazdengo ta Charo e charonengo.”

Apokalipsis 19:7

Veseli amen, ta pperdiva dragostia ta da le o baripe, soke avilo o biau e Bakreko ta leki romi lachardape.

Apokalipsis 19:9

Ta o suecho ppenda mange: “Pisisar: ‘Blagosime gola kai si ikkarde pe sinia katar o biau e Bakreko.’ Ta ppenda mange: Gala si alava chachune e Devleke.”

Apokalipsis 21:14

Ta o zido e foroko saia upral pe desudui barra, ta upral pe lende e desudui anava katar e desudui apostolura e Bakreke.

Apokalipsis 21:27

ta nikada ni ka del ando foro ni iek ezgoda pokalime o kai cherel bilachipe o kojaipe, samo ka den ande lete gola kai lenge anava si pisime ando lil e zivotoko ta e Bakreko.

Apokalipsis 21:9

Ondaka avilo mande iek katar e efta suechura kai saia len e efta tasura pperde katar e efta zatranie kai si te aven, ta dia orba manchar, ta ppenda mange: “Aide karinga, me ka sikavau chuke e diskinia kai si mangli, te avel e romi e Bakreki.”

Apokalipsis 5:6

Ondaka dikklem kai maskar o trono ta e star zivotura ta maskar e ppure, saia iek Bakro pe porrne sargo iek kurbano, ta sea le efta singa ta efta akka, gala si e efta duura e Devleke kai si bichalde pe sa o sueto.

Apokalipsis 5:8

Ta kana lia o lil, e star zivotura ta e bis ta star ppure die changa angla o Bakro. Ta saurre saia len arpe ta tasura sunakune pperde taimano, kai si o molipe katar o foro santo.

Apokalipsis 6:1

Mapalal dikklem kai o Bakro putarda o purvo katar e efta sellura, ta asundem kai iek katar e star zivotura ppenela iekke avazea sargo germipe: “¡Aide ta dik!”

Apokalipsis 6:16

ta ppenena e burdonenge ta e pechinenge: “¡Peren pe amende ta guruven amen katar o mui goleko kai besel po trono ta katar e Bakreki joli!

Apokalipsis 7:14

Me ppendem leke: “Tu llanele, gazda” Vou ppenda mange: “Gala si kai nakkle e bari patnia, kai jalade pe patave ta parniarde len ando rat e Bakreko:

Apokalipsis 7:17

soke o Bakro kai si po maskaral katar o trono, ka avel lengo chobano ta ka inllarel len kai si o pai o llundo, Ta o Del ka kosel sa e ausa katar lenge akka.”