Filemon 1:22 - Nuevo Testamento Romané 2007

²² Ta lachar mange iek ttan kai te sovau; soke aduricharau te asunel o Del tumaro molipe kai cheren pala ma, ta te likau katar o ppandipe te llau te dikkau tumen.

Filemon 1:22 Iomraidhean Croise

Apostole 27:24

ta ppenda mange: ‘Na dara Pablo, soke si te lla kai o charo romano, ta pala tu o Del ka cherel te zivin sa e llene kai si tuia ande llimia.’

Apostole 28:23

Ondaka ppende e Pabloke savo llive ka chidiniaon lea, ta avile but llene kote kai vou racharela. Ta ttiarinako rano llik pasa e riat, o Pablo dia lenge orba katar e charoina e Devleki ta ppenela lenge katar e zakonura e Moiseseke ta katar o pisipe e poraukengo, ta prema gua mangela te cherel len te acharen ko saia o Jesus,

Romanos 15:24

misliu man kai sai ka cheraule kana ka llau ande España. Ni ka avel man but vreme te achau tumenchar, a llanau kai ka veseliu man but tumenchar ta misliu man, tumen te pomozin man te resau e dromea incha kai llau.

2 Korintios 1:11

Molintumen pala amende ta gia ka pomozin amen. Te si but llene kai molinpe, ondaka but llene ka den fala e Devle cheres e ezgode kai o Del cherel, ta pala sa e ezgode lache kai vou del amen.

Filipenses 1:19

soke llanau kai golea ka braduiu man, soke tumen molisailen pala ma ta soke o Duo e Jesukristoko pomozil man.

Filipenses 2:24

a si man e vera ando Del kai ka avau tumenchar oma.

Ebreos 13:19

Ta so mai mangau tumendar si te molintumen te sai o Del mukel man oma te avau tumenchar.

Ebreos 13:23

Mangau ppenau tumenge kai amaro pplal o Timoteo akana inai ppanglo, mukle le; ta te avilo oma mande ka inllarau le manchar kana ka llau te dikkau tumen.

Santiago 5:16

Goleke ppenen iek avereke tumaro bilachipe, ta molintumen iek pala aver te aven saste. Kana molilpe e Devleke iek lleno lacho, leko molipe sai cherel but.

2 Juan 1:12

Si man but ezgode te pisiu tumenge, ta ni kamam te ppenaulen ande gava lil, soke mangau te llau tumende ta te dau orba katar gala ezgode kana ka avau tumenchar, te avel amari veselia pperdi.

3 Juan 1:14

soke mangau te llau tute oma te dau tuia orba.