1 Juan 4:10 - Nuevo Testamento Romané 2007

¹⁰ Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.

1 Juan 4:10 Iomraidhean Croise

Juan 13:34

Iek nevo zakono dau tumen: Te volin tumen iek avereke. Isto gia sar me voliu tumen, volisaren tumen, iek avereke.

Juan 15:16

Tumen ni esvirisaden man, me esvirisardem tumen, ta ttodem tumen te den ta te inllaren but drak, ta tumari drak te achel. Sogo ka mangen me Dadetar ande mo anau, vou ka del tumen.

Juan 3:16

“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Juan 6:51

Me sem o marrno llundo kai fulisto katar o miloso; kogo jala katar gava marrno ka zivil ostade. A o marrno kai me ka dau si mo mas, kai me ka dau pala o zivoto e suetoke.”

Ebreos 2:17

Ta te sai pomozil len saia te cherdol sargo von. Goleke soke cherdilo sargo amen, sai cherdilo o mai Baro Popo kai ande lete sai avel e manuse vera, soke si pperdo volipe te radil e Devleke, ta pala leko meripe cherda o Del te prostil amen katar amaro bilachipe.

1 Pedro 2:24

O Kristo inllarda amare bilachipe ande leki esnaga, te sai amen te ava lache, ta te na chera ios o bilachipe. Vou saia mardino te aven tumen saste.

1 Pedro 3:18

Soke o Kristo mulo pala amaro bilachipe iek drom ostade. Vou saia bidosako a nakkla patnia pala e llene bilache te inllarel len kai o Del. Ande pi esnaga manuseki mulo; ta ustilo katar o meripe ande iek zivoto duoko.

1 Juan 2:2

Vou si o kurbano pala amaro bilachipe; ta inai samo pala amaro bilachipe, vou si kurbano i pala sa o sueto.

1 Juan 3:1

Dikken pe gachin volil amen o Dad kai ikkarel amen chave e Devleke, goleke o sueto ni pinllarel amen, soke o sueto ni pinllarda le.

1 Juan 4:19

Amen voli soke vou volisarda amen mai anglal.

1 Juan 5:11

A gava si so ppenel o Del amenge: Kai dia amen o zivoto ostade; ta gava zivoto si ande leko Chavo.