1 Juan 3:8 - Nuevo Testamento Romané 2007

⁸ a gua kai cherel o bilachipe si e llavoloko, soke o llavolo cherel o bilachipe sar kana o Del cherda e manusen. Goleke avilo o Chavo e Devleko te zatrisarel e llavoloki buchi.

1 Juan 3:8 Iomraidhean Croise

Mateo 12:28

A te si kai o Duo e Devleko del man zor te tradau e llavolonen, chachimaia avila tumende e charoina e Devleki.

Mateo 13:38

E umal si o sueto; e lachi simicha si e chave e charoinake, a e bilache patra si e chave e bilacheke.

Mateo 4:3

Ondaka o llavolo avilo pasa le, ta ppenda leke: —Te san chachimaia o Chavo e Devleko, ppen gale barrenge te cherdon marrno.

Marko 1:24

—¡Ioi! ¿So si chuke amenchar Jesus katar o Nazaret? ¿Avilan te zatrisare amen? me llanau ko san: tu san o Santo e Devleko.

Lukas 10:18

O Jesus ppenda lenge: —Ea, me dikklem sar o Satanas pelotar katar o miloso sargo iek esterlicha.

Juan 12:31

Akana avili e kris pe gava sueto, a o llavolo tradiniaol avri.

Juan 16:11

ko si krisime e Devletar: Gua kai gazdaril pe gava sueto, dosalo si.

Juan 8:44

Tumaro dad si o llavolo, ta so si leke drago gua si so tumen mangen te cheren. O llavolo suako llive mundarda, ta ni achilo ando chachipe, ta nikada ni ppenel o chachipe ta kana kojavel del orba prema so si vou soke si iek kojamno ta vou si o dad katar o kojaipe.

Romanos 16:20

Gia o Del katar e pas ka ustavel oma e llavolo tala tumare porrne. Amaro Gazda o Jesus te del tumen katar po volipe.

Efesios 2:2

kana tumen zivina prema o zivoto gale suetoko ta cherena so ppenela tumenge gua duo kai gazdaril pe balau ta radil e llenenchar kai ni kanden e Devle.

Kolosenses 2:15

O Del lia e duonendar lengi zor ta lengo gazdaripe, ta pala o Kristo ttoda len ando lallao angla sa, ta inllarda len ppangle kana dobisarda len po krusto.

1 Timoteo 3:16

Chachimaia so si amenge sikado ande amaro pachape, si iek ezgoda but bari. O Kristo sikadilo sargo manus llindo chacho ando duo e suechura dikkle le. Leki orba ppendili maskar e ppuvia, o sueto pachaia ande lete ta inllardo saia ando miloso bare blagosimaia.

Ebreos 2:14

Gia, sar iek vicha si katar iek mas ta katar iek rat manuseko, isto gia o Jesus cherdilo mas ta rat manuseko, ta gia te sai dobil pe merimaia gole kai saia le e zor te sai mundarel, gava si o llavolo.

Ebreos 9:26

Te cherdaia isto gia o Kristo, vou saia te merel but droma sar kana o Del cherda e ppuv. A o chachipe si kai akana kai si o son katar o vreme, o Kristo avilo iek drom ta ostade ta diape isto vou pe kurbano te sai lel o bilachipe.

2 Pedro 2:4

O Del ni prostisarda e suechonen kai cherde o bilachipe, goleke chudia len ando tufano ta mukla len ppangle ando truñariko te aduricharen o llive e krisako.

1 Juan 1:2

Soke o zivoto avilo te sai dikkol, ta amen dikklam le, ta ppena tumenge gava zivoto ostade kai saia e Dadea, ta i kai avilo amenge te dikka le.

1 Juan 3:10

Llangliolpe ko si e chave e Devleke a ko si e chave e llavoloke, soke suako lleno kai ni cherel o lachipe ta ni volil pe pplale inai e Devleko.

1 Juan 3:5

A tumen llanen kai vou likisto te chistosarel amen katar o bilachipe, soke ande le inai bilachipe.

1 Juan 5:19

Amen llana kai sam e Devletar ta sa o sueto si gazdarime e llavolotar.

Judas 1:6

Ta i e suechonen kai ni achile pe po ttan gazdarimako, ta mukle o ttan kai zivina, o Del ppangla len lanchonenchar ande rubie truñarike lligo ni ka avel o llive e krisako.

Apokalipsis 20:10

Ta o llavolo, kai kojavela len, avilo chudino ande iag ta o asufre, isto kote kai saia e azdava ta o porauko kojamno. Kote ka aven patime ostade orachaia ta ollivesea.

Apokalipsis 20:15

ta ko ni saia pisime ando lil e zivotoko, avilo chudino ande iag.