Židenge 7:16 - Le Devleskero Lav Andre Romaňi Čhib Slovensko 2021

¹⁶ Ov na ačhiľa rašaske prekal o prikazaňje le zakonoskro pal leskro rodokmeňos, ale prekal e zor le večne dživipnaskri.

Židenge 7:16 Iomraidhean Croise

Rimanenge 7:14

Se džanas, hoj o zakonos hino duchovno, ale me som ťelesno, bikendo andro otroctvos le binoske.

Galaťanenge 4:3

Avke the amen, sar samas ternore, samas otroka ole duchovne zorenge, so ľidžan kada svetos.

Galaťanenge 4:9

No akana, sar prindžarďan le Devles – abo sigeder phenďomas, sar o Del prindžarďa tumen – sar oda, hoj tumen pale visaren paš ola slaba the bezmocna zora, so ľidžan kada svetos? Soske lenge kamen pale te služinel sar otroka?

Kološanenge 2:14

O Del mažinďa avri oda dlžno ľil, so svedčinelas pre amende, hoj na doľikerahas le Mojžišoskro zakonos. Mažinďa avri oda ľil oleha, hoj les primarďa pro kerestos.

Kološanenge 2:20

Te imar muľan le Kristoha kale duchovne zorenge andral kada svetos, akor soske tumen mek podden sar ola manuša, so dživen andro svetos, kajse prikazenge?

Židenge 10:1

O zakonos hino ča ciňos ole lačhipnaskro, so avela, ale nane calo the čačo obrazis ole vecengro. Vašoda našťi ole jekhe obetenca, so pes anen furt berš pre beršeste, te kerel dokonalen olen, ko aven ko Del.

Židenge 7:15

A akana oda dikhas meksa feder, bo avľa aver rašaj, savo hino sar o Melchisedek.

Židenge 7:17

Se pal leste hin pisimen: „Tu sal rašaj pro furt avke sar o Melchisedek.“

Židenge 7:21

ale sar o Ježiš ačhiľa rašaske, o Del diňa paše the e vera a phenďa leske: „O Raj iľa vera a na bajinela: ‚Tu sal rašaj pro furt.‘ “

Židenge 7:28

Bo o zakonos ačhavel nekbareder rašajenge le manušen, save nane dokonala, ale e vera le Devleskri, savi avľa pal o zakonos, ačhavel le Čhas, savo hino dokonalo pro furt.

Židenge 7:3

Hino bi o dad, bi e daj, bi o rodokmeňos, a na džanel pes, aňi kana uľiľa, aňi kana muľa. Hino sar o Čhavo le Devleskro a ačhel rašaske pro furt.

Židenge 9:14

ta keci buter o rat le Kristoskro amenge žužarela o svedomje andral o mule skutki! Bo o Ježiš anďa pes korkores sar dokonalo obeta le Devleske prekal e zor le večne Duchoskri, hoj te šaj služinas le džide Devleske.

Zjaveňje 1:18

Me som the o Džido – somas mulo, ale dikh, som džido pro furt. Amen. Mande hin o kleji le peklostar the le meribnastar.