Žalmi 69:3 - Le Devleskero Lav Andre Romaňi Čhib Slovensko 2021

³ Tasľuvav andre bari čik, nane man pre soste te uštarel. Dochudňom man andro bare paňa, o prudos man začhivel andre.

Žalmi 69:3 Iomraidhean Croise

O Job 11:20

Ale o jakha le nalačhengre korisaľona, na ela len kaj te denašel a lengri naďej ela ča o posledno dichos.“

O Job 16:16

Le rovibnastar mange ľoľiľa o muj avri a tel o jakha man hin kale kruhi,

Žalmi 119:123

O jakha mange slabisaľon olestar, so ajci užarav pre tiro spaseňje the pre tiro čačipnaskro vakeriben.

Žalmi 119:82

Mire jakha imar na birinen, so ajci užaren pre oda, hoj kereha, so phenďal; phučav: „Kana mange kereha o radišagos?“

Žalmi 22:15

Som sar o rozčhido paňi, savore kokala mange chučile avri. Miro jilo hino sar e rozgeľi momeľi, biľiľa andre ma.

Žalmi 22:2

Devla miro, Devla miro! Soske man omukľal? Soske sal avke dur a na zachraňines man? Soske sal avke dur mire rovibnastar?

Žalmi 25:21

Mi ochraňinen man o žužipen the o čačipen, bo me man mukav pre tute.

Žalmi 39:7

Leskro dživipen predžal sar ciňos; o manuš siďarel a nane soske; skidel o barvaľipen, aňi na džanel, kaske oda ačhela.

Žalmi 40:3

Cirdňa man avri andral e chev le meribnaskri, andral e bari čik. O pindre mange ačhaďa pre skala a thoďa man te ačhel pro zoralo than.

Žalmi 6:6

Bo maškar o mule ňiko na lašarel tiro nav! Ko tut bararela andral o hrobos?

Žalmi 69:21

O dopheňiben man dukhanďiľa andro jilo avke, hoj nasvaľiľom. Užaravas, hoj varekaske ela pharo vaš ma, ale na sas, hoj man vareko poťešinela, ale na avľa ňiko.

Žalmi 88:7

Čhiďal man tele andre nekbareder jama, andre nekkaleder chev.

Izajaš 38:14

Miro hangos sas igen slaboro; stukinavas sar e holubica vaj e lastovička. Mire jakha slabisaľile olestar, so ajci dikhavas pro ňebos: Rajeja, som andro pharipen, pomožin mange!“

Roviben le Jeremijašiskro 2:11

Le apsendar mange slabisaľon o jakha, bari žaľa hin andre ma, o jilo mange čuľal avri pre phuv, bo mire manuša hine zňičimen, bo o čhavore the o cikne čhavore meren pro uľici andro foros.

O Evaňjelium le Janoskro 19:28

Paľis, sar imar dikhľa o Ježiš, hoj hin savoro dokerdo a hoj pes te naplňinel oda, so hin pisimen, phenďa: „Smedno som!“

5. Mojžišoskro 28:32

Dikheha pre oda, sar aver narodos lel tire čhaven the čhajen otrokenge. Užareha pre lende sako džives, ale ňič oleha našťi kereha.

Židenge 5:7

O Ježiš andre ola dživesa, sar dživelas pre phuv, le zorale hangoha the le apsenca anelas peskre modľitbi the mangipena Oleske, ko les šaj zachraňinďa le meribnastar. A sas the avrišundo vašoda, bo sas pokorno a poddino le Devleske.