Žalmi 4:2 - Le Devleskero Lav Andre Romaňi Čhib Slovensko 2021

² Sar pre tu vičinav, šun man avri, miro čačipnaskro Del! Tu mange pomožinehas, sar somas andro pharipen. Av ke ma jileskro a šun avri miri modľitba!

Žalmi 4:2 Iomraidhean Croise

Žalmi 106:20

Čerinde peskre slavne Devles vaš e podoba le bikoskri, so chal e čar.

Žalmi 14:6

Tumen musaren o plani le čore manušeskre, ale o RAJ hino leskri ochrana.

Žalmi 2:1

Soske o narodi gondoľinen pro vzburi a o manuša pes dovakeren pro zbitočna veci?

Žalmi 3:3

But džene pal ma phenen: „O Del leske na pomožinela!“

Žalmi 31:6

Andre tire vasta dav mire duchos; RAJEJA, verno Devla, cinďal man avri!

Žalmi 5:6

O barikane našťi ačhen anglal tute; tu našťi avri ačhes savoren, ko keren o nalačhipen.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Žalmi 57:4

Bičhavela e pomoca andral o ňebos a zachraňinela man; kerela ladž olenge, ko man trapinen. O Del bičhavela peskro verno kamiben the čačipen.

Žalmi 58:1

Oleske, ko ľidžal o bašaviben pro giľavipen: „Ma zňičin!“ O michtam le Davidoskro.

Žalmi 58:3

Na! Bo tumare jilenca gondoľinen pro nalačhipen a tumare vastenca anen o maribena pre phuv!

Žalmi 63:11

Ena dine andro vasta la šabľake, a lengre ťela chana o šakali.

Žalmi 72:2

Mi sudzinel čačipnaha tire manušen the le čore manušen spravodľišagoha.

2. Mojžišoskro 10:3

Avke o Mojžiš the o Aron gele ko Faraonos a phende leske: „Kada phenel o RAJ, o Del le Izraelitengro: ‚Mek keci tuke ľikerela, hoj tut angle ma te pokorines? Premuk mire manušen, hoj man te džan te lašarel!‘

Prislovja 1:22

Tumen diline, dži kana kamena o nagoďaveripen? Tumen, so asan, dži kana kamen te asal? Dži kana o diline na kamena o prindžaripen?

Kazaťeľis 8:11

Sar pes takoj na potrestinel o nalačhipen, the aver manuša kamen te kerel o nalačhe veci.

Kazaťeľis 9:3

Andre savoreste, so pes ačhel pre phuv, kada nane lačho: Oda jekh avel pre sakoneste. O manušeskro jilo hino pherdo le nalačhipnaha the le diliňipnaha, medik dživel, a paľis merel.

Izajaš 20:5

Ola, ko pes mukenas pro Kuš a lašarenas pes le Egiptoha, na džanena so te kerel a ladžana pes.

Izajaš 45:17

O RAJ spasinela le Izrael a oda spaseňje ela pro furt; imar šoha tumen na ladžana a na avena teledikhle.

Izajaš 59:4

Ňikaske na džal pal o spravodľišagos a ňiko na sudzinel pačivales. Muken pes pro chocsave lava a vakeren o klamišagos; khabňon o trapišagos a ločhon o nalačhipen.

Jeremijaš 2:11

Či peske varesavo narodos čerinďa peskre devlen? Se ola devla aňi nane čačes devla. Ale mire manuša čerinde peskre slavne Devles vaš o modli, so lenge na anen chasna.

Jeremijaš 2:5

Kada phenel o RAJ: „So pre ma arakhle nalačho tumare dada, hoj pes mandar visarde het? Gele pal e marnosť a ačhiľa lendar marnosť.

Jeremijaš 9:3

Den tumenge pozoris pre tumare prijaťeľa, ma pačan aňi tumare phraleske, bo dojekh lendar hino klamaris a dojekh prijaťeľis hino pľetkošno.

Hozeaš 4:7

So buter rašaja sas, buter bini kerenas angle mande; čerinava lengri slava pre ladž!

Jonaš 2:8

Sar andre mande miri duša merelas, akor man zagondoľinďom pre tu, RAJEJA, a miri modľitba avľa dži ke tiro sveto Chramos.

4. Mojžišoskro 14:11

O RAJ prevakerďa ko Mojžiš: „Dži kana man kala manuša tele dikhena? Dži kana mange na pačana, se maškar lende kerďom bare znameňja?

Skutki 24:9

A the okla Židi vakerenas avke sar o Tertullus a phenenas, hoj oda hin čačo.

1. Korinťanenge 1:31

hoj te avel avke, sar hin pisimen: „Oda, ko pes lašarel, mi lašarel pes le Rajeha.“

Efežanenge 4:25

Savore sam jekhetane andre jekh ťelos, vašoda preačhen te klaminel a chuden te vakerel o čačipen jekh avreha.

1. Samueloskro 12:21

Ma džan pal aver devla, saven nane zor tumenge te pomožinel aňi tumen te zachraňinel, se on nane ňič.