Žalmi 24:2 - Le Devleskero Lav Andre Romaňi Čhib Slovensko 2021

² se ov les zathoďa pro mori a ačhaďa pro paňa.

Žalmi 24:2 Iomraidhean Croise

1. Mojžišoskro 8:22

Medik ľikerela e phuv, na preačhela o časos te sadzinel aňi o časos te skidel upre, o šil aňi o tačipen, o ňilaj aňi o jevend, o džives aňi e rat.“

O Job 38:4

Kaj salas, sar thovavas o zakladi la phuvakre? Phen mange, te sal ajso goďaver!

Žalmi 136:6

Ov rozcirdňa e phuv upral o paňa, bo leskro verno kamiben ľikerel pro furt.

Žalmi 33:6

Le RAJESKRE laveha sas kerdo o ňebos a le dichoha andral leskro muj savore čercheňa.

Žalmi 89:12

Tiro hin o ňebos, tiri hiňi e phuv; kerďal o svetos a savoro, so upre hin.

Žalmi 93:1

O RAJ kraľinel, urďa pre peste o šukariben; o RAJ pes urďa a phandľa pašal peste e zor. He, o svetos zathoďa zorales, na čhalavela pes.

Žalmi 95:4

Andre leskre vasta hin o hlbini la phuvakre, o šťiti pro verchi hine leskre.

Žalmi 96:10

Vakeren maškar o narodi: „O RAJ kraľinel!“ E phuv hiňi zorales zathoďi, na čhalavela pes! Ov sudzinel le manušen čačipnaha.

Jeremijaš 5:22

Na daran mandar?“ phenel o RAJ. „Na izdran mandar? Me kerďom e poši paš o moros sar hraňica, šoha la našťi predžal. O vlni andre šaj demen, ale ňič na kerena, šaj hučinen, ale na predžana prekal.