Sudcengro 7:19 - Le Devleskero Lav Andre Romaňi Čhib Slovensko 2021

¹⁹ O Gideon le šel (100) muršenca avľa pro agor le taboriskro pal jepaš rat, akor, sar pes čerinenas o stražňika. Zatrubinde a phagerde o džbani, so ľikerenas andro vasta.

Sudcengro 7:19 Iomraidhean Croise

Žalmi 2:9

Phagereha len la trastuňa pacaha; rozmareha len sar o čikakre pira.‘ “

Žalmi 90:4

Se ezeros berša hin andre tire jakha sar idžeskro džives, so sig pregeľa, sar jekh ora rači.

2. Mojžišoskro 14:24

Ale sar vidňisaľolas, o RAJ dikhľa andral o jagalo the chmarakro slupos pro taboris le Egipťanengro a kerďa maškar lende baro zmetkos.

Matuš 25:6

Ale pal jepaš rat vareko vičinďa: ‚Dikh, o terno avel! Džan avri pal leste!‘

1. Tesaloničanenge 5:2

bo korkore mištes džanen, hoj o Džives le Rajeskro avela avke sar o živaňis prekal e rat.

Zjaveňje 16:15

„Dikh, avava avke sar o živaňis, hoj aňi na džaneha kana! Bachtalo hino oda, ko na zasovel a ačhel urdo andro gada, hoj te na phirel lango a te na dikhen leskri ladž.“

Sudcengro 7:16

Avke rozďelinďa le trin šel (300) muršen pro trin partiji, savorenge diňa andro vasta o trubi the o fakľi andro džbani

Sudcengro 7:18

Soča zatrubinava olenca, save hine manca, zatrubinen akor the tumen všadzik pašal calo taboris a vičinen: ‚Vaš o RAJ the vaš o Gideon!‘ “

Sudcengro 7:20

Akor savore trin šel (300) murša zatrubinde pro trubi a phagerde o džbani. Andro baľogno vast ile o fakľi a andro čačo vast o trubi. Trubinenas a vičinenas: „E šabľa vaš o RAJ the vaš o Gideon!“