Sudcengro 3:15 - Le Devleskero Lav Andre Romaňi Čhib Slovensko 2021

¹⁵ Akor o Izraeliti chudle igen te mangel le RAJES, hoj lenge te pomožinel, a o RAJ lenge bičhaďa le Ehud, le Geraskre čhas andral o kmeňos Benjamin, savo sas baľogaris. O Izraeliti leha bičhade o daňe le moabike kraľiske le Eglonoske.

Sudcengro 3:15 Iomraidhean Croise

2. Samueloskro 20:10

Ale o Amasa na dikhľa, hoj le Joaboste hin andro vast e šabľa, a o Joab demaďa leske e šabľa andro per. Demaďa andre leste avke, hoj o goja leske pele avri pre phuv. O Amasa takoj muľa pro than a ov les na mušinďa pale te demel. Avke o Joab the leskro phral o Abišaj džanas dureder pal o Šebas.

2. Samueloskro 20:9

O Joab phučľa le Amasostar: „Sar sal, phrala miro?“ A chudňa les le čače vasteha la bradatar, avke sar te les kamľahas te čumidel.

1. Kronicko 12:2

Savorende sas o luki a džanenas igen mištes te ľivinkerel le lukoha a te čhivkerel andral o prakos o bara le baľogne vaj le čače vasteha. On sas andral o kmeňos Benjamin avke sar the o Saul.

1. Kronicko 8:3

Le Belasoskre čhave sas o Adar, o Geras, o Abihud,

1. Kronicko 8:5

o Geras, o Šefufan the o Churam.

2. Kronicko 9:24

Berš pre beršeste, sako, ko avelas ke leste, anelas leske daros: rupune abo somnakune veci, gada, veci pro mariben, voňava oleji, grajen the mulicen.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Žalmi 78:34

Akor, sar len o Del marelas le meribnaha, rodenas les; visarenas pes ke leste pale a igen les rodenas.

Žalmi 90:15

De amen ajci dživesa radišagos, keci sas pharipen; ajci berša, keci cerpinďam.

Prislovja 18:16

Te aneha daros le bare manušeske, otkerela tuke o drom ke leste.

Prislovja 19:6

But džene pes guľaren le rajikane manušeske a sako hino prijaťeľis oleha, ko hino ščiro.

Prislovja 21:14

O daros dino počoral thovel tele e choľi a o prepočiňiben andre žeba la ačhavel.

Izajaš 36:16

Ma šunen le Chizkija, bo kavke phenel o asiriko kraľis: Aven avri, podden tumen mange a ela tumenge mištes! A sako tumendar chala pal peskro viňičis the figovňikos a pijela o paňi andral peskri chaňig,

Jeremijaš 33:3

‚Vičin ke ma a odphenava tuke; dava tuke te džanel o bare the o garude veci, save na prindžares.‘

Sudcengro 2:16

Paľis lenge o RAJ ačhaďa sudcen, save len zachraňinenas lengre ňeprijaťeľendar.

Sudcengro 20:16

Maškar ola savoredžene sas efta šel (700) avrikidle murša, save sas baľogara, a dojekh džanelas igen mištes te čhivkerel o bara andral o prakos.

Sudcengro 3:14

O Izraeliti služinenas le Eglonoske le moabike kraľiske dešuochto (18) berš.

Sudcengro 3:16

O Ehud peske kerďa šabľa, ostro pal soduj seri a bari vaj jepaš metros, a thoďa peske la tel o gada pre čači sera.

Sudcengro 3:9

Ale sar vičinenas ko RAJ, hoj lenge te pomožinel, bičhaďa ke lende o RAJ le Otňiel, le Kenazoskre čhas, le Kaleboskre nekternedere phrales, hoj len te zachraňinel.

Sudcengro 4:3

O Izraeliti igen mangenas le RAJES, hoj lenge te pomožinel, bo le Jabin sas eňa šel (900) trastune verdana a biš (20) berš len igen trapinelas.

1. Samueloskro 10:27

Ale varesave nalačhe manuša phende: „Sar amen ov šaj zachraňinel?“ Dikhle les tele a na ande leske ňisavo daros. Ale o Saul pes kerelas, hoj oda na šunďa.