Sudcengro 18:2 - Le Devleskero Lav Andre Romaňi Čhib Slovensko 2021

² Avke o kmeňos Dan bičhade peskre fajtendar pandž zorale muršen andral o fori Cora the Eštaol, hoj te predikhen e phuv. Phende lenge: „Džan te predikhel odi phuv.“ Sar avle pro brehi Efrajim dži ko kher le Michaskro, ačhile ode te presovel.

Sudcengro 18:2 Iomraidhean Croise

1. Mojžišoskro 42:9

Akor peske o Jozef leperďa pre ola sune, save les sas pal lende varekana. Phenďa lenge: „Tumen san špijona! Avľan te rodel o thana, so pes den lokes te zalel.“

Prislovja 20:18

Ker tire plani pal e porada; so buter akor, te džas andro mariben.

4. Mojžišoskro 13:17

Sar len o Mojžiš bičhavelas te predikhel e phuv Kanaan, phenďa: „Kadarik džan prekal e pušťa Negev andre brehengri phuv.

Лукастар 14:31

Abo savo kraľis džal andro mariben avre kraľiha, medik peske ešeb na bešel a na dophučel pes, či šaj džal le 10 000 manušenca pre oda, ko pre leste avel le 20 000 manušenca?

Jozua 15:33

Pre brehengri phuv Šefela oda sas kala fori: o Eštaol, e Cora, e Ašna,

Jozua 19:41

Lengre phuva sas: e Cora, o Eštaol, o Ir-Šemeš,

Jozua 2:1

O Jozua, o čhavo le Nunoskro, bičhaďa počoral andral o Šitim duje špijonen andro Jericho a phenďa lenge: „Džan a obdikhen e phuv the o Jericho.“ Avke odgele a gele andro kher ke Rachab, savi sas lubňi, a ačhile ode.

Jozua 2:2

Le kraľiske andro Jericho phende: „De tuke pozoris, bo rači ade avle o Izraeliti, hoj te predikhen e phuv.“

Sudcengro 13:2

Sas jekh murš andral o foros Cora andral o kmeňos Dan, savo pes vičinelas Manoach. Leskri romňi našťi ačhelas khabňi a na sas la čhave.

Sudcengro 13:25

A o Duchos le RAJESKRO chudelas andre leste te kerel akor, sar sas andro taboris Dan maškar o foros Cora the Eštaol.

Sudcengro 16:31

Leskre phrala savora dadeskra famelijaha gele tele, ile leskro ťelos pale khere a parunde les andro hrobos leskro dadeskro Manoachoskro, maškar e Cora the o Eštaol. O Samson ľidžalas o Izrael biš (20) berš.

Sudcengro 17:1

Pro brehi Efrajim dživelas jekh murš, savo pes vičinelas Micha.

Sudcengro 18:11

Avke šov šel (600) murša andral o kmeňos Dan gele pro mariben le zbraňenca andral e Cora the andral o Eštaol.

Sudcengro 18:13

Paľis odarik džanas dureder prekal o brehi le Efrajimoskre a doavle ko kher le Michaskro.

Sudcengro 18:3

Sar sas paš o kher le Michaskro, sprindžarde pal o vakeriben, hoj o terno Levitas na sas odarik. Gele ke leste a phučle: „Ko tut kade anďa? So kade keres? So ade rodes?“

Sudcengro 18:8

Sar pes visarde pale andre Cora the o Eštaol, lengre phrala lendar phučle: „So ode dikhľan?“

Sudcengro 19:1

Andre jekh časos, sar andro Izrael na sas kraľis, jekh Levitas dživelas pro durale brehi andro Efrajim. Iľa peske andral o judsko Betlehem mek jekha romňa-služobňička.

Sudcengro 19:18

Ov odphenďa: „Amen avas andral o judsko Betlehem a džas pale khere ko palune brehi andro Efrajim. Džavas andro Betlehem a akana džav khere, ale ňiko man na iľa andre peskro kher.