Sudcengro 16:4 - Le Devleskero Lav Andre Romaňi Čhib Slovensko 2021

⁴ Paloda geľa tele andre dolina Sorek a ode pes zakamľa andre džuvľi, savi pes vičinelas Delila.

Sudcengro 16:4 Iomraidhean Croise

1. Kraľengro 11:1

O kraľis o Šalamun kamelas but džuvľijen andral aver narodi: le faraonoskra čha, le Moabčanken, le Amončanken, le Edomčanken, le Sidončanken the le Chetitanken.

Nehemiaš 13:26

Či na kerďa aleha binos the o izraeliko kraľis o Šalamun? Maškar o but narodi na sas ajso kraľis sar ov. Sas pre dzeka peskre Devleske a ov les ačhaďa kraľiske upral calo Izrael, ale the avke o džuvľa andral aver narodi les cirdle andro binos.

Prislovja 22:14

O vušta la lubňakre hine sar e bari jama, a oda, pre kaste o RAJ hino choľamen, perela andre.

Prislovja 23:27

bo e lubňi hiňi sar e bari chev, a e cudzo džuvľi hiňi sar e saňi chaňig:

Prislovja 26:11

Sar o rikono džal pale paš oda, so čandľa avri, avke o dilino kerel pale peskro diliňipen.

Prislovja 27:22

Kajte le dilines rozmarďalas le tlučkoha, saveha pes rozmarel o zrnos, the avke lestar na mareha avri o diliňipen.

1. Korinťanenge 10:6

Kada savoro pes ačhiľa prekal amende, vaš oda, hoj te na kamas o nalačhipen, avke sar on.

Sudcengro 16:3

O Samson sovelas dži jepaš rat. Pal jepaš rat ušťiľa, chudňa e brana le foroskri, cirdňa la avri le čopenca the la zavoraha a thoďa peske la pro dumo a ľigenďa la dži upre pro verchos anglo Hebron.

Sudcengro 16:5

A avle ke late o filišťiňika vodci a phende lake: „Chude les avri a dodžan tut, khatar les hin ajsi bari zor a sar les šaj thovas tele, hoj les te sphandas a te ovladňinas. Paľis tut sako amendar dela 1 100 rupune minci.“