Sudcengro 14:18 - Le Devleskero Lav Andre Romaňi Čhib Slovensko 2021

¹⁸ Pro eftato džives angloda, sar zageľa o kham, lestar phučle o murša andral oda foros: „So hin guleder sar o medos? A so hin zoraleder sar o ľevos?“ O Samson lenge odphenďa: „Te na orinďanas mira terňa gurumňoraha, na džanľanas miri hadanka!“

Sudcengro 14:18 Iomraidhean Croise

2. Samueloskro 1:23

Ajse šukar the igen vzacna sas o Saul the o Jonatan; aňi o meriben len našťi rozďelinďa. On sas richleder sar o orli a zoraleder sar o ľevi.

Žalmi 81:16

Ola, ko našťi avri ačhen le RAJES, banďilehas anglal leste a lengro trestos ačhiľahas pro furt.

Prislovja 30:30

O ľevos – nekzoraleder maškar o džviri, so na daral ňikastar;

Ezechiel 1:10

Anglunestar dičholas lengro muj sar le manušeskro, pre čači sera sas savoren ľevoskro muj, pre baľogňi sera sas savoren bikoskro muj a palunestar sas savoren orloskro muj.

Sudcengro 14:17

Ale oj pre leste rovelas savore efta dživesa la hoscinakre. Ajci pre leste ispidelas, hoj pro eftato džives lake oda phenďa avri. A oj paľis geľa te phenel avri odi hadanka peskre manušenge.

Sudcengro 14:19

Akor avľa o Duchos le RAJESKRO pro Samson, geľa tele andro foros Aškalon a murdarďa tranda (30) muršen. Čhiďa pal lende tele o bijavutne gada a diňa len olenge, ko odi hadanka hadinde. Paľis o Samson bara choľaha geľa pale andre le dadeskro kher.