Sudcengro 13:16 - Le Devleskero Lav Andre Romaňi Čhib Slovensko 2021

¹⁶ Ale o aňjelos le RAJESKRO leske odphenďa: „The te man kade zľikerďalas, na chaľomas tire chabenestar. Ale te pripravineha labarďi obeta, obetin la le RAJESKE.“ O Manoach na džanelas, hoj oda hin le RAJESKRO aňjelos,

Sudcengro 13:16 Iomraidhean Croise

1. Mojžišoskro 18:5

Anava varesavo chaben, zoraľarena tumen a paľis šaj džana dureder. Se avľan ke tumaro služobňikos.“ On odphende: „Mištes, ker avke, sar phenes.“

Sudcengro 13:21

Le RAJESKRO aňjelos pes imar pale le Manoachoske the leskra romňake buter na sikaďa.

Sudcengro 13:23

Ale leskri romňi leske phenďa: „Te amen o RAJ kamľahas te murdarel, na iľahas amendar e labarďi the e chabeneskri obeta. Na sikaďahas amenge kada savoro a aňi akana amenge ajso vareso na phenďahas.“

Sudcengro 6:20

Le Devleskro aňjelos leske phenďa: „Le o mas the o mare bi o kvasos, thov len pre skala a e zumin čhor upral.“ Ov avke kerďa.

Sudcengro 6:26

Ačhav oltaris pre pačiv le RAJESKE, tire Devleske, upre pro brehos. Paľis le ole dujte bikos a obetin les pro kašta ole rozčhingerde slupostar sar labarďi obeta.“