Sudcengro 1:3 - Le Devleskero Lav Andre Romaňi Čhib Slovensko 2021

³ Avke o kmeňos Juda mangelas le kmeňos Šimeon: „Aven amenca a pomožinen amenge te džal pro Kanaančana pro mariben andre phuv, so sas amenge diňi. Paľis džaha the amen tumenca andre phuv, so sas tumenge diňi.“ Avke o kmeňos Šimeon geľa lenca.

Sudcengro 1:3 Iomraidhean Croise

1. Mojžišoskro 29:33

Pale ačhiľa khabňi, a sar lake uľiľa čhavoro, phenďa: „O RAJ šunďa, hoj o rom man na kamel, vašoda mange diňa the kale čhavores.“ A diňa leske nav Šimeon.

2. Samueloskro 10:11

Phenďa leske: „Te dikheha, hoj o Aramejčana man domaren, aveha mange te pomožinel, a te me dikhava, hoj o Amončana domaren tut, džava me tuke te pomožinel.

Jozua 19:1

O dujto losos peľa pro kmeňos le Šimeonoskro pal leskre fameliji. Lengro ďeďictvos sas maškar o phuva le Judaskre.

Zjaveňje 7:7

andral o kmeňos le Simeonoskro dešuduj ezera, andral o kmeňos le Leviskro dešuduj ezera, andral o kmeňos le Jisacharoskro dešuduj ezera,

Sudcengro 1:17

Paľis o kmeňi Juda the Šimeon gele pro mariben pro Kanaančana, save bešenas andro Cefat, a calo oda prekošlo foros zňičinde. Avke dine ole foroske nav Chorma.

Sudcengro 1:2

O RAJ odphenďa: „Mi džal o Juda, se leske diňom e phuv andro vasta.“

Sudcengro 1:4

Sar geľa o kmeňos Juda pro mariben, o RAJ lenge diňa te zviťazinel upral o Kanaančana the Perizeja a murdarde andro foros Bezek 10 000 muršen.