Micheaš 6:3 - Le Devleskero Lav Andre Romaňi Čhib Slovensko 2021

³ Manušale mire, so tumen kerďom? Thoďom pre tumende o pharipen? Odphenen mange!

Micheaš 6:3 Iomraidhean Croise

Žalmi 50:7

„Šunen, mire manušale, a me vakerava! Svedčinava pre tute, Izrael: Me som o Del, tiro Del.

Žalmi 51:4

Žužar man mira vinatar; obžužar man mire binostar!

Žalmi 81:13

Vašoda len mukľom te džal pal peskre zacata jile, hoj te keren oda, so kamenas.

Žalmi 81:8

Andro pharipen ke ma vičinehas a me tut zachraňinďom, andral o hermišagos man tuke diňom anglal, paš o paňa Meriba tut skušinďom avri.

Izajaš 5:4

So buter mek šaj kerďom prekal miri viňica sar oda, so kerďom? Užaravas, hoj mange barola lačho hroznos, akor soske mange bariľa ča šutlo the nalačho?

Jeremijaš 2:31

Manušale andral kada pokoleňje šunen o lav le RAJESKRO: Či ačhiľom le Izraelitenge sar pušťa? Abo sar phuv, kaj hin baro kaľipen? Manušale mire, soske phenen: ‚Amen peske šaj keras, so kamas, imar na kamas te džal pal tute‘?

Jeremijaš 2:5

Kada phenel o RAJ: „So pre ma arakhle nalačho tumare dada, hoj pes mandar visarde het? Gele pal e marnosť a ačhiľa lendar marnosť.

Micheaš 6:5

Manušale mire, leperen tumenge, so kamelas te kerel o Balak, le Moabengro kraľis, a so leske odphenďa o Balaam, le Beoriskro čhavo. Leperen tumenge pro drom andral o Šitim andro Gilgal, hoj te džanen o spravodľiva skutki le RAJESKRE.“

Rimanenge 3:19

Amen džanas, hoj oda, so hin phendo andro zakonos, hin phendo prekal ola, kas hin o zakonos, hoj pes te phandel andre dojekh muj a calo svetos te avel binošno anglo Del.