Micheaš 5:9 - Le Devleskero Lav Andre Romaňi Čhib Slovensko 2021

⁹ „Andre oda džives,“ phenel o RAJ, „murdarava avri tire grajen a zňičinava tire maribnaskre verdana.

Micheaš 5:9 Iomraidhean Croise

Žalmi 10:12

RAJEJA, Devla, ušťi upre a hazde tiro vast! Ma pobister pro slaba!

Žalmi 106:26

Avke hazdľa upre peskro vast a iľa vera, hoj len pre odi pušťa mukela te perel tele,

Žalmi 21:8

O kraľis pačal le RAJESKE; vaš o verno kamiben le Nekbareder Devleskro na čhalavela pes.

Izajaš 1:25

Nacirdava pre tute miro vast; obžužarava tut tira meľatar la jagaha; lava tutar avri savoro nažužipen.

Izajaš 11:14

Chučena pro dume le Filišťincenge pro zapados a jekhetane občorarena le naroden pro vichodos; domarena o Edom the o Moab a o Amončana lenge ena poddine.

Izajaš 26:11

RAJEJA, tiro vast hino uprehazdlo, ale on oda na dikhen. De lenge te dikhel, hoj tu igen rušes vaš tire manuša, a ker lenge ladž, de, hoj e jag te chal tire ňeprijaťeľen.

Izajaš 33:10

„Akana uščava upre,“ phenel o RAJ. „Akana avava barardo; akana avava uprehazdlo.

Izajaš 37:36

Mek odi rat geľa o aňjelos le RAJESKRO andre asiriko taboris a murdarďa 185 000 slugaďen. Sar okla slugaďa tosara ušťile, dikhle pašal peste pherdo mule manušen.

Haggeus 2:22

visarava avri o kraľika troni a zňičinava e zor le kraľengri andral o aver narodi. Visarava avri o verdana the lengre jazdcen; o graja the lengre jazdci perena; jekh avres murdarena la šabľaha.

Zacharijaš 9:10

O RAJ phenel: „Zňičinava o verdana andral o Efrajim the o graja andral o Jeruzalem, o maribnaskro lukos ela zňičimen. Paľis kerela o smirom maškar o narodi; leskro rajipen ela le morostar dži o moros a le paňestar Eufrat dži pro agor la phuvake.

Лукастар 19:27

A ole manušen, so man na kamenas kraľiske – anen kade a murdaren len anglal mande!‘ “

1. Korinťanenge 15:25

Bo ov mušinel te kraľinel, medik leske na thovela tel o pindre savore ňeprijaťeľen.