Лукастар 1:25 - Le Devleskero Lav Andre Romaňi Čhib Slovensko 2021

²⁵ Phenelas: „O Raj prekal ma kada kerďa andre kala dživesa, sar pre ma dikhľa peskre lačhipnaha a iľa mandar e ladž anglal o nipi.“

Біблія про закарпатцько романо чіб

²⁵ — Авка манґє кєрдя о Рай, сар закамля те лен мандар е ладж анґлал о мануша!

Лукастар 1:25 Iomraidhean Croise

1. Mojžišoskro 25:21

O Izak mangelas le RAJES vaš peskri romňi, bo našťi la sas čhave. A o RAJ šunďa avri a leskri romňi e Rebeka ačhiľa khabňi.

2. Samueloskro 6:23

Avke e Mikal, le Sauloskri čhaj, sas bi o čhave dži ko meriben.

Izajaš 25:8

Zňičinela o meriben pro furt a o RAJ, o Adonaj, khosela tele o apsa pal dojekh muj; lela tele e ladž pal peskre manuša pal calo svetos, bo o RAJ prevakerďa.

Izajaš 4:1

Andre oda džives efta džuvľija chudena jekhe muršes a phenena: „Chaha peskro chaben a uraha peskre gada – ča domuk, hoj pes te vičinas pal tiro nav. Le pal amende tele e ladž!“

Лукастар 1:13

Ale o aňjelos leske phenďa: „Ma dara tut Zachariaš, bo tiro mangipen hin avrišundo! Tiri romňi e Alžbeta ačhela khabňi, uľola lake muršoro a deha leske o nav Jan.

Лукастар 1:24

Pal ola dživesa ačhiľa khabňi e Alžbeta, leskri romňi, a garuvelas pes pandž čhon.

Židenge 11:11

Le pačabnaha the e Sara, sava našťi uľa čhave, chudňa zor te ačhel khabňi, kajte sas imar phuri. Bo pačalas, hoj o Del šaj kerel oda, so lake phenďa.

Sudcengro 11:37

Paľis mek phenďa le dadeske: „Ker prekal ma kada: Muk man duj čhon, hoj te džav mire prijaťeľkenca pro verchi. Ode rovaha upral oda, hoj šoha na džava romeste.“

1. Samueloskro 1:6

Vašoda, hoj o RAJ kerďa, hoj la našťi uľa čhave, e Penina la furt trapinelas a dukhavelas le lavenca.