Roviben le Jeremijašiskro 4:7 - Le Devleskero Lav Andre Romaňi Čhib Slovensko 2021

⁷ Amare raja sas žužeder sar jiv, parneder sar thud. O ťela len sas loleder sar o korali; dičhonas avri sar o zafiris.

Roviben le Jeremijašiskro 4:7 Iomraidhean Croise

O Job 28:16

Našťi les te cinel le somnakaha andral o Ofir, aňi le vzacne onixoha aňi le zafiroha.

O Job 28:18

O korali the o jaspisos pes paše aňi na den te rachinel; e cena le goďaveripnaskri hin bareder sar o vzacna perli.

Žalmi 144:12

Avke amare terne čhave ena sar o rastlini, so baron zorales, amare čhaja ena sar o avrikerde slupi andro palacis.

Žalmi 51:7

He, binošno som, kanastar uľiľom; binošno, kanastar manca e daj khabňiľa.

2. Mojžišoskro 24:10

a dikhle le Izraeloskre Devles. Tel leskre pindre sas sar te zafiriskri dlažba, belavo sar žužo ňebos.

Nekšukareder giľi 5:10

Oda, kas me kamav, hino šukar, lolečhamengro, feder sar deš ezera aver.

Nekšukareder giľi 5:15

Leskre pindre hin o slupi le parne mramoristar ačhade pro somnakune podstavci. Dičhol avri sar o verchi andro Libanon, učo sar o cedri.

Daniel 1:15

Pal ola deš džives dikhľa, hoj dičhonas avri feder a sas zoraleder sar okla terne murša, save chanas le kraľiskre chabenestar.

Лукастар 1:15

Bo ov ela baro anglo Raj. Na pijela mol aňi ňisavo aver pijiben a ela pherdžardo le Svete Duchoha imar peskra dake andro per.

Sudcengro 13:5

Bo ačheha khabňi a ela tut muršoro. Leskre bala našťi strihinen, bo ole dživesestar, kana uľola, ela dino le Devleske sar Nazarejcos. Ov chudela te zachraňinel o Izrael le Filišťincendar.“

Sudcengro 13:7

Ale phenďa mange, hoj ačhava khabňi a ela man muršoro. Phenďa, hoj te na pijav mol aňi ňisavo aver pijiben a te na chav ňič, so hin melalo, bo o čhavoro ela dino le Devleske sar Nazarejcos, kanastar uľola dži o meriben.“

Sudcengro 16:17

Akor o Samson lake phenďa avri o čačipen: „Mire balendar pes mek e britva na chudňa, bo mek sigeder, sar uľiľom, somas dino prekal o Del sar Nazarejcos. Ale te man vareko strihinďahas, e zor mandar geľahas het a uľomas ajso sar dojekh aver manuš.“

1. Samueloskro 16:12

Avke bičhaďa vaš leske a anďa les. Ov sas lolečhamengro, sas les šukar jakha the šukar postava. Akor o RAJ phenďa: „Ušťi a pomazin les kraľiske, bo oda hin ov.“