Roviben le Jeremijašiskro 3:25 - Le Devleskero Lav Andre Romaňi Čhib Slovensko 2021

²⁵ O RAJ hino lačho ke ola, ko pes pre leste muken, ke oda manuš, ko les rodel.

Roviben le Jeremijašiskro 3:25 Iomraidhean Croise

Izajaš 40:31

Ale ola, ko užaren pro RAJ, chuden e nevi zor, ľecinen sar orli le kridlenca; denašen a nane strapimen, phiren a šoha na slabisaľon.

Žalmi 37:34

Muk tut pro RAJ, ľiker tut leskre dromestar. Hazdela tut upre, hoj te zales e phuv; dikheha pre oda, sar o nalačhe ena zňičimen.

Izajaš 25:9

Andre oda džives pes phenela: „Dikh, ov hin amaro Del, pre leste pes mukahas a ov amen zachraňinďa! Ov hin o RAJ, pre leste pes mukahas, radisaľuvas a thovas baripen andre leskri zachrana!“

Roviben le Jeremijašiskro 3:26

Mištes hin te užarel cichones pre zachrana le RAJESKRI.

Žalmi 27:14

Užar pro RAJ! Av zoralo! Ľiker o pačaben andro jilo. Užar pro RAJ!

Žalmi 37:7

Av čhit anglo RAJ a užar pre leste! Ma trapin tut, te varekaske džal mištes; te varekaske avel avri leskre nalačhe plani.

Izajaš 30:18

A o RAJ mek užarel, hoj te avel ke tumende milosťivo, a vašoda ušťel upre, hoj tumenge te presikavel o lačhipen. Se o RAJ hino spravodľivo Del. Bachtale hine savore, so pre leste užaren.

2. Kronicko 31:21

Savoro, so chudňa te kerel o Chizkija andro Chramos, kerelas avke, sar sas pisimen andro zakonos the andro prikazaňja. A savoro leske avelas avri, bo rodelas le RAJES cale peskre jileha.

Jakob 5:7

Phralale, vašoda ľikeren avri, medik na avela o Raj. Dikh, o manuš, savo kerel buči pre maľa, užarel, medik na avela o jaruno the o jesuno brišind a dela les o lačho uľipen andral e phuv.

Hozeaš 10:12

Sadzinen tumenge o spravodľišagos, skiden o verno kamiben, prekopaľinen tumenge e naorimen maľa, bo hin o časos te rodel le RAJES, medik na avela a na dela o spravodľišagos pre tumende sar brišind.

Izajaš 64:4

Tu aves te pomožinel olenge, ko keren radišagoha o spravodľišagos, ko na bisteren pre tire droma. Ale sar amen mek furt kerahas o bini, tu pre amende rušehas. Akor sar šaj avas spasimen?

2. Kronicko 15:2

Ov geľa anglo kraľis Asa a phenďa leske: „Šunen man, Asa the savore manušale andral e Judsko the andral o Benjamin! O RAJ ela tumenca, te tumen avena leha. Te les rodena, dela pes tumenge te arakhel. Ale te tumen lestar odvisarena, the ov pes tumendar odvisarela.

Izajaš 55:6

Roden le RAJES, medik les šaj te arakhel, vičinen pre leste, medik hino pašes.

Žalmi 61:5

Joj, te bešľomas andre tiro stanos pro furt a te šaj man garuďomas andro ciňos tire kridlengro!

Žalmi 39:7

Leskro dživipen predžal sar ciňos; o manuš siďarel a nane soske; skidel o barvaľipen, aňi na džanel, kaske oda ačhela.

Žalmi 27:8

Miro jilo mange leperel tire lava: „Roden miro muj!“ He, RAJEJA, rodava tiro muj!

Žalmi 25:8

O RAJ hino spravodľivo the lačho, vašoda sikavel le binošnenge peskro drom.

1. Kronicko 28:9

A tu Šalamun, čhavo miro, sprindžar tire dadeskre Devles a služin leske cale jileha the goďaha, bo o RAJ džanel amare jile the amaro gondoľišagos. Te les rodeha, dela pes tuke te arakhel, ale te tut lestar odvisareha, omukela tut pro furt.

Žalmi 119:2

Bachtale hine ola, ko doľikeren leskre prikazaňja a roden les cale jileha;

1. Mojžišoskro 49:18

Ó, RAJEJA miro, užarav pre tiri zachrana!

1. Tesaloničanenge 1:10

Vašoda akana užaren leskre Čhas le Ježiš, saves o Del uštaďa andral o meriben a savo amen zachraňinel andral odi choľi, so avela.

Žalmi 22:26

Tutar mange avel e chvala maškar but tire manuša; anglal ola, ko pes tutar daran, doľikerava mire lava.

Sofonijaš 3:8

Vašoda užaren pre ma,“ phenel o RAJ, „pre oda džives, sar uščava, hoj te svedčinav pro narodi. Rozhodňinďom man te skidel len upre, te anel o kraľišagi pre jekh than a te čhivel avri pre lende miri choľi – caľi miri bari choľi. Calo svetos ela zňičimen la jagaha, mira choľaha.“

Izajaš 26:9

Miri duša pes pal tute cirdel prekal e rat a tosara tut miro duchos rodel. Sar tu sudzines o svetos, o manuša pre phuv sikľon, so hin spravodľivo.

Žalmi 105:3

Lašaren tumen leskre svete naveha! Mi radisaľon o jile olenge, ko roden le RAJES!

Žalmi 61:1

Oleske, ko ľidžal o bašaviben pro strunengro nastrojis. Le Davidoskro žalmos.

Žalmi 69:32

Kada ela le RAJESKE buter pre dzeka sar o dobitkos, sar o bikos le rohenca the le kopitenca.

2. Kronicko 30:19

„RAJEJA, Devla amare dadengro, kala manuša hine nažuže angle tiro zakonos. Ale on tut lašaren jilestar, vašoda mangav tut, av ke lende jileskro a odmuk lenge.“

2. Kronicko 19:3

Ale o RAJ paš tu arakhľa the vareso lačho: Tu zňičinďal savore slupi la Ašerakre andral odi phuv a kamehas te kerel oda, so hin le Devleske pre dzeka.“

Ezdraš 8:22

Ladžavas man te mangel le kraľistar slugaďen the muršen pro graja, hoj amen te chraňinen le ňeprijaťeľendar, sar džaha le dromeha. Se phenďam le kraľiske: „O vast amare Devleskro hino upral savore, ko les roden, ale leskri bari choľi hiňi pre savore, ko les omuken.“

Žalmi 71:14

Ale me užarav furt pre tute a furt buter tut lašarava.