Roviben le Jeremijašiskro 2:6 - Le Devleskero Lav Andre Romaňi Čhib Slovensko 2021

⁶ Zňičinďa peskro chramos sar e zahrada; oda than, kaj les lašarahas. O RAJ diňa, hoj o Sion te bisterel pro inepos the pro šabat, a odčhiďa andre peskri bari choľi le kraľis the le rašas.

Roviben le Jeremijašiskro 2:6 Iomraidhean Croise

Žalmi 74:7

Tiro sveto Chramos labarde avri dži e phuv a meľarde andre o kher tire naveskro.

Žalmi 76:2

Le Devles prindžaren andre Judsko, baro hin leskro nav andro Izrael.

Žalmi 80:12

leskre konara barile dži o Baro moros a o konarica dži o paňi Eufrat.

Žalmi 89:40

E zmluva tire služobňikoha prephagľal a leskri kraľiko koruna čhiďal andre phuv.

Izajaš 1:13

Ma anen mange imar o zbitočna obeti! Džungľiľa mange tumaro kaďidlos, o inepos le Neve čhoneskro, o šabat the tumare zhromažďeňja. Našťi avri ačhav o nalačhipen andre tumaro zhromažďeňje!

Izajaš 1:8

O Jeruzalem hino omuklo sar e budkica andre viňica, sar e chatkica pre ogurkengri maľa, sar o obkľučimen foros.

Izajaš 43:28

Vašoda tele dikhľom le rajen andre tiri svetiňa; le Jakob diňom te zňičinel a le Izrael anďom pro asaben.“

Izajaš 5:5

Akana tumenge phenava, so kerava mira viňicaha: Lava tele lakri ohrada, hoj la te zňičinen; čhivava tele lakro muros, hoj pal late te uštaren.

Izajaš 5:6

Kerava latar e pušťa; na strihinava la aňi na prekopaľinava. Barona upre o koľaka the o pichľača a le chmarenge prikazinava, hoj upre te na den o brišind.“

Izajaš 63:18

Bo ča pro sikra časos sas tiro sveto than tire manušende, ale akana les amare ňeprijaťeľa zňičinde.

Izajaš 64:11

Pal kada savoro, RAJEJA, mek tut kames te zľikerel? Kames te ačhel čhit a mek buter amen te trapinel?

Jeremijaš 17:27

Ale te na šunena mire lava, hoj pes te pošvecinel o šabat, a hordinena tumaro tovaris a predžana leha prekal o brani le Jeruzalemoskre, akor bičhavava pre leskre brani e jag, so na murdaľola andre a labarela avri o pevnosťi le Jeruzalemoskre.‘ “

Jeremijaš 42:18

Kada phenel o Nekzoraleder RAJ, o Del le Izraeloskro: ‚Avke sar pes čhiďa avri miri choľi, miri bari choľi, pro manuša andro Jeruzalem, avke pes miri choľi čhivela avri pre tumende, te džana andro Egipt. Akor pes o manuša košena tumare naveha a predarana olestar, so pes tumenca ačhela, dikhena tumen tele a asana tumendar. A kada foros imar šoha na dikhena.‘

Jeremijaš 45:4

Ale o RAJ mange phenďa, hoj tuke te phenav: ‚Kada phenel o RAJ: Dikh, čhivava tele oda, so ačhaďom, a cirdava avri oda, so sadzinďom. Kerava oda pal caľi kadi phuv.

Jeremijaš 50:28

Šunďol olen, so pes zachraňinde a denašle andral e babiloňiko phuv, sar den te džanel pro Sion, hoj pes o RAJ, amaro Del, pomsťinel, pomsťinel pes vaš peskro Chramos.“

Roviben le Jeremijašiskro 1:4

O droma le Sionoskre hine andre žaľa, bo ňiko na avel pro inepi. Savore leskre brani hine zňičimen; o rašaja roven, leskre pačivale čhaja hine smutna, ačhiľa leske ča kirko dukh.

Roviben le Jeremijašiskro 4:16

Korkoro o RAJ len roztradňa; imar len na chraňinela. Le rašajen ňiko na del pačiv a le vodcen ňiko na šunel.

Roviben le Jeremijašiskro 4:20

Le RAJESKRO pomazimen, o dichos amare dživipnaskro, sas chudlo andre lengre pasci. Pal leste peske vakerahas: „Andre leskro ciňos dživaha maškar o narodi.“

Roviben le Jeremijašiskro 5:12

Amare rajen figinenas peskre vastenca a le phure manušenge na presikavenas ňisavi pačiv.

Ezechiel 17:18

O judsko kraľis tele dikhľa e vera a prephagľa e zmluva. Kajte peske pre oda podiňa o vast, the avke kerďa kala veci. Ov na denašela!

3. Mojžišoskro 26:31

Tumare fori rozburinava a zňičinava tumare sveta thana; e voňa tumare obetendar na prilava.

Sofonijaš 3:18

„Skidava upre le manušen, so roven, bo našťi doľikeren o inepi, a vašoda hine andro pharipen the andre ladž.

Malachijaš 2:9

Vašoda kerďom, hoj te aven teledikhle a poňižimen angle savore manuša, bo na doľikeren mire droma, a sar sikaven le Devleskro zakonos, na keren le manušenca jednakones.