Jozua 9:21 - Le Devleskero Lav Andre Romaňi Čhib Slovensko 2021

²¹ Paľis lenge mek phende: „Mukas len te dživel! Mi ačhen lendar ola, ko čhingeren o kašta, the ola, ko hordinen savorenge o paňi.“ Kavke o vodci doľikerde o lav, so dine le Gibeončanen.

Jozua 9:21 Iomraidhean Croise

Jeremijaš 46:22

O Egipt sičinela sar o sap, so denašel, sar pre leste avela o ňeprijaťeľis la zoraha; avena pre leste le toverenca sar ola, ko čhinen tele o stromi.

5. Mojžišoskro 29:10

tumare čhave, tumare romňija a the o cudzinci, save bešen maškar tumende, save tumenge čhingeren o kašta a hordinen o paňi.

5. Mojžišoskro 29:11

Tumen kade akana ačhen vašoda, hoj le RAJEHA, tumare Devleha, te aven andre zmluva, so adadžives tumenca phandel la veraha.

Jozua 10:1

O Jeruzalemsko kraľis Adoni-Cedek igen predaranďila, sar šunďa, hoj o Jozua zaiľa o foros Aj a zňičinďa les the leskre kraľis avke, sar kerďa the le Jerichoha the leskre kraľiha, a sar šunďa the oda, hoj o manuša andral o Gibeon pes dovakerde, hoj ačhena andro smirom le Izraelitenca a hoj bešen maškar lende.

Jozua 9:15

O Jozua lenca phandľa e zmluva andro smirom a dovakerďa pes, hoj len mukela te dživel. O vodci le Izraeloskre pre oda priačhile la veraha.

Jozua 9:20

Mušinas len te mukel te dživel, hoj amen o Del te na marel vaš e vera, savi len diňam.“

Jozua 9:23

Vašoda san akana prekošle a ačhena otroka pro furt! Čhingerena o kašta a hordinena o paňa prekal o kher mire Devleskro!“

Jozua 9:27

A oda džives lendar o Jozua kerďa peskre sluhen, save mušinenas te čhingerel o kašta a te hordinel o paňi prekal savore Izraeliti the prekal le RAJESKRO oltaris pre oda than, so peske kidela avri o RAJ. A kada hin oda, so keren dži adadžives.