Jozua 9:18 - Le Devleskero Lav Andre Romaňi Čhib Slovensko 2021

¹⁸ Ale o Izraeliti len na murdarde, bo o vodci ile vera pro RAJ, pro Del le Izraeloskro. Savore Izraeliti namištes vakerenas pro vodci,

Jozua 9:18 Iomraidhean Croise

2. Samueloskro 21:7

Ale o kraľis lenge na diňa le Mefibošet, le Jonatanoskre čhas, le Sauloskre vnukos, angle vera, so ile jekh avreske anglal o RAJ o David le Jonatanoha.

Žalmi 15:4

ko na prilel oles, kas o Del odčhiďa, ko del pačiv olen, ko pes daran le RAJESTAR, ko na čerinel peskri vera, kajte leske oda uľahas pro nalačho;

Kazaťeľis 5:2

So buter starišagos tut ela, buter nalačhe sune džaha; a so buter vakeres, buter nagoďaveripen pheneha.

Kazaťeľis 5:6

Kaj hin but sune, ode hin the but zbitočna lava. Vašoda dara tut le Devlestar!

Kazaťeľis 9:2

Oda jekh avel pre savore: pro čačipnaskro the pro bijedevleskro, pro lačho the pro nalačho, pro žužo the pro melalo, pre oda, ko anel e obeta, the pre oda, ko na anel. Avke sar hin le lačheha, avke the le binošneha; avke sar hin oleha, ko lel vera, avke hin the oleha, ko pes daral te lel vera.

4. Mojžišoskro 30:3

Te o murš dela lav le RAJES abo lela vera, hoj pes zľikerela varesostar, mi doľikerel oda lav a mi kerel avke, sar phenďa.

5. Mojžišoskro 23:22

Te des lav le RAJES, tire Devles, ma prethov oda te kerel, bo ov čačes tutar užarela, hoj te keres oda, so phenďal. Te na doľikereha oda lav, ela tut binos anglo RAJ, tiro Del.

5. Mojžišoskro 23:23

Te na deha lav le RAJES, na ela tut binos,

5. Mojžišoskro 23:24

ale savoro, so phenela tiro muj la veraha le RAJESKE, tire Devleske, mušineha te doľikerel, bo diňal les lav korkoro pestar.

Jozua 9:17

Avke pes o Izraeliti mukle te džal pro drom a pro trito džives doavle andre lengre fori: O Gibeon, e Kefira, o Beerot the o Kirjat-Jearim.

Jozua 9:19

ale on odphende: „Iľam vera pro RAJ, pro Del le Izraeloskro. Vašoda akana našťi lenca ňič keras.