Jozua 23:10 - Le Devleskero Lav Andre Romaňi Čhib Slovensko 2021

¹⁰ O RAJ, tumaro Del, tumen diňa lav, hoj pes korkoro vaš tumenge marela, vašoda jekh tumendar zviťazinela upral o ezeros (1 000) murša.

Jozua 23:10 Iomraidhean Croise

2. Samueloskro 23:8

Kala hine o nava le Davidoskre zorale muršengre: Ešebno sas o Jošeb-Bašebet andral o Tachemon, savo sas vodcas le Trine muršengro. Ov la kopijaha murdarďa 800 muršen.

1. Kronicko 5:20

On zviťazinde upral lende vašoda, bo vičinenas ko Del andro mariben. Ov len šunďa avri a pomožinďa lenge, bo pačanas andre leste. Vašoda diňa andre lengre vasta le Hagarijčanen the olen, save lenge pomožinenas.

1. Kronicko 5:22

The but manuša mule andro mariben, bo oda mariben sas le Devleskro. Pre lengro than bešenas dži akor, medik na sas zaile andre Asirija.

Žalmi 35:1

Le Davidoskro žalmos. RAJEJA, vesekedin tut olenca, ko pes manca vesekedinen, mar tut olenca, ko pes manca maren!

Žalmi 46:7

O narodi pes daran, o kraľišagi izdran; ov del te šunel peskro hangos a e phuv rozdžal.

2. Mojžišoskro 14:14

O RAJ pes marela vaš tumenge a tumen avena čhit.“

Izajaš 30:17

Ezeros tumendar denašena daratar jekhe dženestar a pandže dženendar denašena savoredžene, medik na avena omukle sar o slupos upre pro verchos, sar e zastava pro brehos.“

3. Mojžišoskro 26:7

Džana pre tumare ňeprijaťeľa a on merena tumara šabľatar.

3. Mojžišoskro 26:8

Tumare pandž džene denašena pal o šel (100) a tumare šel džene denašena pal o deš ezera (10 000). Avke tumare ňeprijaťeľa ena murdarde tumara šabľaha.

Zacharijaš 12:8

Andre oda džives o RAJ chraňinela le manušen andro Jeruzalem, hoj o nekslabeder lendar ačhela zoralo sar o David a o čhave le Davidoskre len ľidžana sar o Del, sar o aňjelos le RAJESKRO.

Rimanenge 8:31

Akor so pre oda šaj phenas? Te hin o Del amenca, ko pre amende šaj avel?

5. Mojžišoskro 20:3

‚Šun, Izrael! Adadžives džana andro mariben pre tumare ňeprijaťeľa. Aven zorale, ma izdran a ma daran tumen lendar!

5. Mojžišoskro 20:4

Se o RAJ, tumaro Del, džal tumenca, ov pes tumare ňeprijaťeľenca marela vaš tumende, hoj tumen te zviťazinen.‘

5. Mojžišoskro 28:7

O RAJ zňičinela tumare ňeprijaťeľen, sar pre tumende avena. Jekhe dromeha pre tumende avena, ale efta dromenca anglal tumende rozdenašena.

5. Mojžišoskro 3:22

Ma daran tumen lendar, bo o RAJ, tumaro Del, pes korkoro marela vaš tumende.‘

5. Mojžišoskro 32:20

Phenďa: ‚Imar lenge na pomožinava; dikhava, so pes lenca ačhela, bo hine o previsardo pokoleňje, o čhave, save nane verna.

5. Mojžišoskro 32:30

Sar šaj džal jekh ňeprijaťelsko slugaďis pro ezeros le Izraeloskre? Abo sar šaj zatraden duj džene lendar amare deš ezeren? Ča te len omukľahas lengri Skala a o RAJ len diňahas andre lengre vasta.

Jozua 10:42

Savore kraľen lengre phuvenca zaiľa jekhvareste, bo o RAJ, o Del le Izraeloskro, pes marelas vaš o Izrael.

Jozua 23:11

Den tumenge pozoris pre oda, hoj te kamen ča le RAJES, tumare Devles.

Jozua 23:3

Tumen dikhľan savoro, so kerďa prekal tumende o RAJ, tumaro Del, kale narodenge, hoj ov korkoro pes marelas vaš tumenge.

Sudcengro 15:15

Paľis arakhľa e kokaluňi sanka le mule somariskri, iľa la andro vast a murdarďa laha ezeros (1 000) muršen.

Sudcengro 3:31

Pal o Ehud ačhiľa sudcas o Šamgar, le Anatoskro čhavo, savo tiš zachraňinďa le Izrael. Murdarďa šov šel (600) Filišťincen la pacaha, savaha pes tradel le gurumňen.

1. Samueloskro 14:6

O Jonatan phenďa peskre zbrojnošiske: „Av predžas o taboris ole naobrezimen Filišťincengro. Ko džanel, či amenge o RAJ na pomožinela. Bo les našťi zaačhavel ňič, hoj amen te zachraňinel, či sam but abo frima.“