Jozua 18:8 - Le Devleskero Lav Andre Romaňi Čhib Slovensko 2021

⁸ Ola murša pes mukle pro drom. O Jozua lenge phenďa: „Džan, predžan e phuv a zapisinen andre o thana pre odi phuv, paľis aven pale ke ma. Kade andro Šilo tumenge čhivava o losos anglo RAJ.“

Jozua 18:8 Iomraidhean Croise

1. Mojžišoskro 13:17

Akana dža a predikh tuke caľi phuv, bo tuke la dav!“

Izajaš 34:17

Ov korkoro čhiďa o losos prekal lende, leskro vast lenge la špargaha merinďa avri e phuv a rozďelinďa. Ela lengri pro furt a bešena ode pal jekh pokoleňje pre aver.

Rimanenge 14:19

Mušinas te džal pal oda, so anel o smirom a jekhetane amen bararel andro pačaben.

Jozua 13:7

Rozďelin kadi phuv le eňa kmeňenge the le jepaš kmeňoske Menaše, hoj te avel lengri.“

Jozua 15:1

O fameliji andral o kmeňos Juda chudle prekal o losos odi phuv, so džal dži paš e phuv Edom, dži paš e pušťa Sin pro juhos.

Jozua 18:1

Sar savore Izraeliti zaile e phuv, zgele pes jekhetane andro foros Šilo a ačhade ode o Svetostankos.

Jozua 18:10

O Jozua lenge čhiďa o losos andro Šilo anglo RAJ a rozďelinďa ode e phuv le Izraelitenge pal lengre kmeňi.

Jozua 18:6

Zapisinen andre o efta kotora ola phuvakre a anen oda ke mande. Me tumenge čhivava o losos anglo RAJ, amaro Del.

Jozua 18:9

O murša odgele a pregele e phuv. Rozďelinde la pro efta kotora a zapisinde ola phuva the le forenca. Paľis avle ko Jozua andro taboris paš o Šilo.

1. Samueloskro 14:41

Akor pes o Saul modľinelas ko RAJ: „Ó, Devla le Izraeloskro, soske adadžives na odphenďal tire služobňikoske? Te hin o binos andre mande abo andre miro čhavo Jonatan, de amenge oda te džanel pro Urim, ale te kerde binos o murša le Izraeloskre, de amenge te džanel pro Tumim.“ O losos sikaďa pro Jonatan the pro Saul, hoj on kerde binos a na o manuša.