Jozua 17:14 - Le Devleskero Lav Andre Romaňi Čhib Slovensko 2021

¹⁴ Andre jekh džives le Jozefoskre čhave – o kmeňi Menaše the Efrajim – phende le Jozuaske: „Soske amen diňal sar ďeďictvos ča ajci sikra phuva? Se amen sam baro narodos, bo o RAJ amen dži akana požehňinelas.“

Jozua 17:14 Iomraidhean Croise

1. Mojžišoskro 48:19

Ale o dad leske phenďa: „Džanav, čhavo miro, džanav! The lestar ela narodos a the ov rozbarola. Ale leskro terneder phral, o Efrajim, ela bareder sar ov, leskre čhavendar ena but narodi.“

1. Mojžišoskro 48:20

Avke len požehňinďa oda džives a phenďa: „Sar o Izraeliti žehňinena varekas, leperena tumare nava a phenena kada: ‚Mi kerel tuke o Del avke sar le Efrajimoske the le Menašeske.‘ “ Kaleha thoďa o Jakob le Efrajim anglo Menaše.

1. Mojžišoskro 48:22

Ale tut dav jekh kotor la phuvatar buter sar tire phralen. Dav tuke e lačhi phuv Šichem, so dochudňom le Amorejčanendar mira šabľaha the lukoha.“

Ezechiel 48:5

O Efrajim chudela jekh kotor la phuvakro; paš e phuv le Menašeskri la vichodna seratar dži e zapadno sera.

4. Mojžišoskro 13:7

andral o kmeňos Jisachar o Jigal, le Jozefoskro čhavo;

4. Mojžišoskro 26:54

Le bareder kmeňoske deha andro ďeďictvos bareder kotor a le ciknedere kmeňoske cikneder kotor; dojekh mi chudel pal oda, keci sas zrachimen.

4. Mojžišoskro 36:12

Ačhile romňija le muršenge andral o kmeňos Menaše, savo sas čhavo le Jozefoskro, a lengri ďeďično phuv ačhiľa lengra dadeskra fajtake.

Jozua 16:4

Kala phuva chudle sar ďeďictvos o čhave le Jozefoskre, o Menaše the o Efrajim.

Jozua 17:15

O Jozua lenge odphenďa: „Te san ajci but a o brehi andro Efrajim tumenge hine frima, džan andre phuv ko Perizeja the ko Refaja a ode čhingeren avri o veš, hoj tumen te el phuv.“