Jozua 13:11 - Le Devleskero Lav Andre Romaňi Čhib Slovensko 2021

¹¹ Chudle mek o Gilead, e phuv le Gešurčanengri the le Maachaťanengri, savore verchi paš o Chermon the caľi phuv Bašan dži ke Salcha.

Jozua 13:11 Iomraidhean Croise

1. Mojžišoskro 37:25

Akor, sar bešenas paš o chaben, dikhle te avel le Izmaeliten le ťavenca andral o Gilead. O ťavi anenas pre peste e voňavo riciňa, o balzamos the e mirha, so ľidžanas andro Egipt.

1. Kronicko 2:23

Ale o Gešurčana the o Aramejčana lenge zaile šovardeš (60) gava: Le Jairoskre gava the o foros Kenat le gavenca. A savore manuša, save bešenas andro Gilead, sas le Machiroskre potomki.

1. Kronicko 5:11

O kmeňos Gad bešelas pro severos le Rubenostar, andre phuv Bašan dži ko foros Salcha.

4. Mojžišoskro 32:29

„Te o murša andral o Gad the Ruben predžana o Jordan pripravimen pro mariben anglo RAJ, a te tumenge pomožinena te zalel odi phuv, dena lenge e Gileadoskri phuv sar lengro ďeďictvos.

5. Mojžišoskro 3:10

Zaiľam caľi phuv le Ogoskri: o fori pre rovina, calo Gilead the calo Bašan dži paš o fori Salcha the Edrej pro vichodos.

Jozua 11:3

Diňa te vičinel the le Kanaančanen pal o zapados the pal o vichodos, le Amorejčanen, le Chetitanen, le Perizejen, le Jebusejen pal le verchengri phuv the le Chivijen tel o verchos Chermon andre phuv Micpa.

Jozua 13:10

On chudle savore fori le amorejike kraľiskre le Sichonoskre, savo kraľinelas andro Chešbon, dži ke phuv le Amončanengri.

Jozua 13:2

Ačhile mek o phuva le Filišťincengre the le Gešurčanengre.

Jozua 13:25

Sas lenge dino o foros Jazer, savore fori andro Gilead the jepaš phuv le Amončanengri dži ko Aroer, so hino pašes paš e Raba,

Jozua 17:5

Kavke chudňa o Menaše o phuva Gilead the Bašan pal o Jordan the mek aver deš phuva,

1. Samueloskro 13:7

Varesave Hebreja pregele prekal o Jordan andre phuv Gad the Gilead. O Saul ačhiľa andro Gilgal a leskre murša, save džanas pal leste, izdranas daratar.