Jozua 12:2 - Le Devleskero Lav Andre Romaňi Čhib Slovensko 2021

² Jekh lendar sas o amorejiko kraľis o Sichon, savo bešelas andro foros Chešbon. Leskri phuv sas le forostar Aroer pro brehos le paňestar Arnon – maškaral ola dolinatar – dži ko paňi Jabok pro severos, kaj chudelas imar e phuv le Amončanengri, oda hin jepaš phuv Gilead.

Jozua 12:2 Iomraidhean Croise

1. Mojžišoskro 32:22

O dari sas bičhade anglal leste, ale ov ačhiľa prekal e rat andro taboris.

1. Kronicko 5:8

o Belas, čhavo le Azazoskro, čhavo le Šemasoskro, čhavo le Joeloskro. On bešenas le forostar Aroer dži pro severos ko Nebo the Baal-Meon.

Nehemiaš 9:22

Dehas lenge o viťazstva upral o kraľišagi the narodi a rozdiňal lenge dojekh agor la phuvakro. On peske zaile e phuv Chešbon, kaj kraľinelas o Sichon, the e phuv Bašan, kaj kraľinelas o Og.

Žalmi 135:11

le Sichon, le amorejike kraľis, le Og, le bašaňike kraľis, the savore kraľen andro Kanaan.

Jeremijaš 48:19

Dža te ačhel paš o drom a užar, tu, so bešes andro Aroer, phuč le muršendar, so denašen, the le džuvľendar, so pes kamen te zachraňinel. Phuč: ‚So pes ačhiľa?‘

5. Mojžišoskro 1:4

Sas oda paloda, sar o RAJ zviťazinďa upral o amorejiko kraľis Sichon, savo bešelas andro Chešbon, a sar zviťazinďa andro Edrej upral o bašaňiko kraľis Og, savo bešelas andro Aštarot.

Sudcengro 11:13

O amoňiko kraľis phenďa le Jeftoskre muršenge: „Sar o Izraeliti avenas avri andral o Egipt, zaile miri phuv le paňestar Arnon dži o paňi Jabok the dži o Jordan. Akana de mange oda pale andro smirom!“

Sudcengro 11:22

Zaile caľi phuv le Amorejčanengri le paňestar Arnon dži ko paňi Jabok the la pušťatar dži ko Jordan.