Jonaš 4:3 - Le Devleskero Lav Andre Romaňi Čhib Slovensko 2021

³ Avke akana, RAJEJA, le mandar miro dživipen, bo feder mange hin te merel sar te dživel.“

Jonaš 4:3 Iomraidhean Croise

1. Kraľengro 19:4

Sar o Eliaš džalas korkoro pal e pušťa calo džives, bešľa peske tel o krakos a kamľa te merel. Kavke pes modľinelas: „Hin man savorestar dos, RAJEJA miro! Le mandar o dživipen, bo me na som ňisoha feder mire dadendar.“

Kazaťeľis 7:1

Feder hin o lačho nav sar o vzacno parfumos, feder hin oda džives, kana meras, sar oda džives, sar avas pro svetos.

Kazaťeľis 7:9

Ma choľisaľuv sig andre tiro duchos, bo e choľi hiňi andro jilo le dilinenge.

Jeremijaš 8:3

No varesave dženen ole nalačhe manušendar mukava te dživel a roztradava len pre savore thana. Ale prekal ola manuša ela feder te merel sar te dživel, phenel o Nekzoraleder RAJ.‘ “

Jonaš 4:4

Ale o RAJ lestar phučľa: „Hin oda mištes, hoj choľisaľiľal?“

Jonaš 4:8

Sar avľa avri o kham, bičhaďa o Del e tači vichodno balvaj a o kham labarelas o šero le Jonašiskro avke, hoj leske sas igen namištes. Kamelas te merel a phenďa: „Feder mange hin te merel sar te dživel!“

4. Mojžišoskro 11:15

Te kames manca kavke te kerel, feder mange ela, te man murdareha, hoj te na dikhav pre miro trapišagos – te arakhľom milosť andre tire jakha.“

4. Mojžišoskro 20:3

Chudle pes te vesekedinel le Mojžišoha a dovakerenas leske: „Feder uľahas, te muľamas the amen avke, sar mule amare phrala anglo RAJ.

1. Korinťanenge 9:15

Ale me na viužinďom aňi jekh kale pravostar. Aňi kada na pisinďom vaš oda, hoj mange oda avke te keren. Bo feder mange uľahas te merel, sar oda, hoj mange vareko te musarel kada miro lašariben.