Jonaš 2:8 - Le Devleskero Lav Andre Romaňi Čhib Slovensko 2021

⁸ Sar andre mande miri duša merelas, akor man zagondoľinďom pre tu, RAJEJA, a miri modľitba avľa dži ke tiro sveto Chramos.

Jonaš 2:8 Iomraidhean Croise

2. Kraľengro 17:15

Odčhide pestar leskro zakonos the e zmluva, so phandľa lengre dadenca, a na šunenas les, kajte lenge dovakerelas. On lašarenas le modlen, save na sas pre ňisoste, a aleha ačhile the on pre ňisoste. Ľikerenas pes pal o tradiciji le narodengre, save sas pašal lende, kajte lenge o RAJ prikazinďa, hoj te na keren avke sar aver narodi.

Žalmi 142:4

Sar miro duchos andre ma slabisaľol, akor tu des pozoris pre miro chodňikos. Pre oda drom, khatar džav, mange garude e pasca.

Žalmi 31:6

Andre tire vasta dav mire duchos; RAJEJA, verno Devla, cinďal man avri!

Žalmi 69:14

Ale me man modľinav ke tute, RAJEJA, andro časos, so tuke hin pre dzeka. Odphen mange a zachraňin man, ó, Devla, bo tiro verno kamiben ke ma hino baro.

Jeremijaš 10:8

Savore manuša ole narodengre hine diline a nagoďaver. So šaj sikľon le kaštune modlendar?

Jeremijaš 16:19

Akor me phenďom: „O RAJ hin miri zor the miro hrados, oda than, kaj man garuvav andre oda džives, sar mange hin phares! Ke tute avena o narodi, avena pal o agora le phuvakre a phenena: ‚Amare dada na zďeďinde ňič, ča le falošne devlen; le chocsave modlen, so lenge na sas lačhe pre ňisoste.‘

Jeremijaš 2:13

„Mire manuša kerde duj bini: Omukle man, le prameňis le džide paňeskro, a kopaľinde peske avri o cisterni, o pukimen cisterni, save andre peste našťi zľikeren o paňi.

Micheaš 1:2

Šunen, savore narodale! Pozorin le kanenca, phuvije the sako, ko upre bešen! O Adonaj, o RAJ svedčinel pre tumende, o Raj andral peskro sveto chramos!

1. Samueloskro 12:21

Ma džan pal aver devla, saven nane zor tumenge te pomožinel aňi tumen te zachraňinel, se on nane ňič.