Jonaš 1:8 - Le Devleskero Lav Andre Romaňi Čhib Slovensko 2021

⁸ Phučle lestar: „Akana amenge phen, soske pre amende avľa kada nalačhipen? Savi hin tiri buči a khatar sal? Andral savi phuv the narodos sal?“

Jonaš 1:8 Iomraidhean Croise

1. Mojžišoskro 47:3

O faraonos phučľa leskre phralendar: „Savi buči keren?“ „Amen sam pasťjera, save pašinen le staden avke sar the amare dada,“ odphende leske.

Jakob 5:16

Vašoda, phenen avri jekh avreske o bini a modľinen tumen jekh vaš aver, hoj te sasťon avri. E modľitba le spravodľive manušeskri šaj kerel but a hin la bari zor.

Jozua 7:19

O Jozua phenďa le Achanoske: „Čhavo miro, phen mange avri o čačipen anglo RAJ, anglo Del le Izraeloskro, a pridžan tut, so kerďal. Ma garuv ňič anglal ma!“

1. Samueloskro 14:43

Akor phučľa o Saul le Jonatanostar: „Phen mange, so kerďal?“ Pre oda leske o Jonatan odphenďa: „Ča la pacakre agoreha, so chudavas andro vast, koštoľinďom sikra medos. Som pripravimen te merel.“

1. Samueloskro 30:13

O David lestar phučľa: „Ko hin tiro raj? Khatar sal?“ Ov leske odphenďa: „Som andral o Egipt, som otrokos jekhe Amalekoskro. Sar anglo trin džives nasvaľiľom, miro raj man mukľa kade.