Jonaš 1:5 - Le Devleskero Lav Andre Romaňi Čhib Slovensko 2021

⁵ O namorňika pre loďa pes daranas a chudle sako te vičinel pre peskro del. Chudle te čhivkerel andro moros o veci andral e loďa, hoj te el lokeder. Ale o Jonaš peske geľa tele andre loďa te pašľol a zorales zasuča.

Jonaš 1:5 Iomraidhean Croise

1. Kraľengro 18:26

Avke ile peskre bikos a pripravinde les. Tosarastar dži o dilos mangenas le Baal a vičinenas: „Ó, Baal, odphen amenge!“ No na šunďolas les, aňi lenge na odphenďa, kajte khelenas the chučkerenas pašal o oltaris, so kerde.

O Job 2:4

O satan odphenďa: „E cipa vaš e cipa! O manuš dela savoro, so les hin, hoj peske te zachraňinel o dživipen.

Žalmi 107:25

Phenďa lav a avľa bari burka, savi hazdľa o moroskre vlni.

Žalmi 148:8

o bleski, o ľegi, o jiv the o chmari, e zoraľi balvaj, so kerel oda, so phenel.

Kazaťeľis 3:6

časos te rodel a časos te našavel, časos te garuvel a časos te čhivel het,

Izajaš 45:20

Skiden tumen upre a aven, aven jekhetane paš ma, tumen, so predžiďiľan le narodendar. Ola, ko peha hordinen peskre kaštune modli, na achaľon ňisoske, modľinen pes ko devla, save len našťi zachraňinen.

Jeremijaš 2:28

A kaj hine tumare devla, saven tumenge kerďan? Mi aven a mi zachraňinen tumen, sar tumenge ela phares! Ó Judsko, keci tumen hin fori, ajci tumen hin devla!

Hozeaš 7:14

Na modľinen pes ke ma andral calo jilo, ča roven pre peskre hadži. Vaš o zrnos the vaš e mol pes čhingeren pro ťelos, ale mandar pes visaren.

Jonaš 1:14

Akor vičinenas pro RAJ: „Jaj, Devla! Ma domuk, hoj te meras vaš o dživipen kale manušeskro! Ma rachin amenge e vina vaš oda manuš! Se tu sal o RAJ a kerďal avke, sar tuke sas pre dzeka.“

Jonaš 1:16

Akor ola murša chudle igen te daral le RAJESTAR, obetinde leske obeta a denas les veri.

Jonaš 1:6

Avľa paš leste o kapitanos la loďakro a phenďa leske: „Sar šaj soves? Ušťi, vičin ke tiro Del! Či peske pre amende na leperela, hoj te na meras.“

Matuš 25:5

Sar imar but na avelas o terno, zadriminde savore a zasute.

Matuš 26:43

Sar avľa, arakhľa len pale te sovel, bo cirdelas len igen te sovel.

Matuš 26:45

Paľis avľa ko učeňika a phenďa lenge: „Mek furt soven a odpočovinen tumenge? Dikh, avľa odi ora, sar o Čhavo le Manušeskro hino dino andro vasta le binošne manušenge.

Skutki 27:38

Sar savoredžene čaľile, chudle te čhivkerel andral e loďa avri o zrnos, hoj te ačhel e loďa lokeder.

Sudcengro 16:19

Oj les zasovľarďa pre peskre čanga a paľis vičinďa jekhe muršes, savo leske strihinďa o efta varkoča pal o šero. Avke o Samson slabisaľiľa a e zor les omukľa.

1. Samueloskro 24:3

Avke o Saul peske iľa 3 000 nekfeder muršen andral calo Izrael a džalas te rodel le David the leskre muršen pro vichodos paš o Skali le Kamzikengre.