Joel 2:24 - Le Devleskero Lav Andre Romaňi Čhib Slovensko 2021

²⁴ Andro humnos ela pherdo pšeňica a o lisi prečuľana la moľaha the le olejoha.

Joel 2:24 Iomraidhean Croise

Ezechiel 36:8

Ale tumenge, verchale andro Izrael, barona o konara pro stromi a anena o ovocje mire manušenge, le Izraelitenge, bo imar maj avena khere.

3. Mojžišoskro 25:19

E phuv tumenge anela peskro uľipen, chana čales a bešena ode andro smirom.

3. Mojžišoskro 26:10

Barola tumenge ajci uľipen, hoj lestar chana calo berš a mek les mušinena te pratinel avri, hoj te keren than prekal o nevo.

Amos 9:13

„Dikh, aven ajse dživesa,“ phenel o RAJ, „hoj oleske, ko skidel e maľa upre, barola ajci but, hoj kidela upre dži akor, medik na kampela pale te orinel, a oles, ko pučinel avri o hroznos, ela ajsi bari žatva, hoj na dokerela peskri buči dži akor, sar kampela pale te sadzinel; pal o verchi čuľala tele e mol a savore brehi latar prečuľana.

Malachijaš 3:10

Anen caľi ďesjatka andro sklados, hoj te el o chaben andre miro kher. Avke man skušinen avri,“ phenel o Nekzoraleder RAJ, „či tumenge na otkerava o oblaki le ňeboskre a na čhivava pre tumende o požehnaňja, medik tumen na ela savorestar pherdo.