Joel 1:19 - Le Devleskero Lav Andre Romaňi Čhib Slovensko 2021

¹⁹ Ke tute, RAJEJA, vičinav, bo e jag zlabarďa e čar a o plameňa savore stromi pre maľa.

Joel 1:19 Iomraidhean Croise

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Žalmi 91:15

Sar ke ma vičinela, odphenava leske. Avava leha andro pharipen, zachraňinava les a dava les pačiv.

Jeremijaš 14:4

Vašoda, hoj na delas brišind andre phuv, e maľa hiňi pukimen. O rolňika pes ladžan a chuden pes šerendar.

Jeremijaš 3:9

A vašoda, hoj peske lelas o lubipen avke lokes, meľarďa andre e phuv a kerelas o lubipen oleha, hoj lašarelas o bara the o kašta.

Jeremijaš 9:10

O RAJ phenel: „Le Jeruzalemostar kerava ča kopa bara, o kher prekal o šakali. A le judske forendar kerava zamukle thana, kaj ňiko na bešela.“

Jeremijaš 9:9

Me phenďom: „Rovav a hikinav vaš o verchi, hin man žaľa pal o pastvini pre pušťa, bo šučile avri a imar ňiko odarik na predžal. Imar na šunďol le dobitkos, le čiriklen aňi le dzive džviren; savore pes rozdenašle a gele het.“

Joel 2:3

Anglal lende e jag zlabarel savoro, pal lende zňičinen savoro o plameňa; anglal lende hiňi e phuv sar e zahrada Eden, a pal lende sar e zňičimen pušťa – ňič anglal lende na denašela.

Amos 1:2

O Amos phenďa: „O RAJ zorales vičinel andral o Sion, šunďol les andral o Jeruzalem; o maľi le pasťjerengre šučon avri a o veš pro verchos Karmel našľol.“

Amos 7:4

O RAJ, o Adonaj, mange sikaďa kada: O RAJ, o Adonaj, vičinelas, hoj te avel o sudos la jagaha; a odi jag šučarďa avri o hlbini le oceanoskre a chudňa te labarel e phuv.

Micheaš 7:7

Ale me furt užarav pro RAJ, užarav pro Del mira spasakro; miro Del man šunela avri.

Лукастар 18:1

O Ježiš lenge vakerelas podobenstvo pal oda, hoj pes furt kampel te modľinel a te na omukel pes:

Лукастар 18:7

Či o Del na zaačhela vaš ola, kas peske avri kidňa, save ke leste rat-džives vičinen? Či len mukela but te užarel?