Jeremijaš 9:9 - Le Devleskero Lav Andre Romaňi Čhib Slovensko 2021

⁹ Me phenďom: „Rovav a hikinav vaš o verchi, hin man žaľa pal o pastvini pre pušťa, bo šučile avri a imar ňiko odarik na predžal. Imar na šunďol le dobitkos, le čiriklen aňi le dzive džviren; savore pes rozdenašle a gele het.“

Jeremijaš 9:9 Iomraidhean Croise

Izajaš 1:24

Vašoda phenel o Raj, o Nekzoraleder RAJ, o Zoralo Del le Izraeloskro: „Vigos! Mukava avri miri choľi pre ola, ko pre ma džan, a pomsťinava man mire ňeprijaťeľenge.

Izajaš 10:3

Ale so kerena andre oda džives le trestoskro, sar avela e bibach dural? Ke kaste denašena, hoj tumenge te pomožinel? A kaj mukena tumaro barvaľipen?

Izajaš 57:6

Andral odi dolina les o hladka bara a lašares len sar devlen. Čhives lenge avri o moľakre obeti a anes lenge o chabeneskre obeti. Gondoľines tuke, hoj kada mange hin pre dzeka?

Jeremijaš 12:11

Visarde la pre pušťa, hiňi zamukľi a rovel ke ma; caľi phuv hiňi zňičimen, ale ňiko peske oda na lel andro jilo.

Jeremijaš 12:4

Mek dži kana ela e phuv šuki a e čar pre dojekh maľa šučola avri? Bo o manuša, so dživen pre phuv, hine nalačhe, o džviri the o čirikle murdaľon, bo o manuša phenen: ‚O RAJ na dikhel, so keras.‘ “

Jeremijaš 4:25

Dikhavas, ale ňisave manušes na dikhľom, a the savore čirikle pal o ňebos našľile.

Jeremijaš 5:29

Či len vaš kada na marava?“ phenel o RAJ, „Či kajse narodoske oda na visarava pale?

Jeremijaš 5:9

Či len vaš kada na marava?“ phenel o RAJ. „Či kajse narodoske oda na visarava pale?“

Hozeaš 4:3

Vašoda e phuv šučol avri a savoro, so andre dživel, našľol; o dziva džviri, o čirikle, a mek the o ribi andro moros meren.

Joel 1:19

Ke tute, RAJEJA, vičinav, bo e jag zlabarďa e čar a o plameňa savore stromi pre maľa.

Amos 5:1

Šunen kada lav, manušale andral o Izrael! Rovibnaskre halgatovoha tumenge giľavav:

Amos 5:2

„O Izrael, e pačivaľi čhaj, peľa a imar buter na ušťela; omukľi pašľol pre peskri phuv a nane ko la te hazdel upre.“