Jeremijaš 6:7 - Le Devleskero Lav Andre Romaňi Čhib Slovensko 2021

⁷ Avke sar andral e chaňig avel avri o paňi, avke andral leste avel avri o nalačhipen. Pre leskre uľici šunďol, sar pes maren a phageren; leskre dukhade the nasvale manuša hine furt angle mire jakha.

Jeremijaš 6:7 Iomraidhean Croise

Prislovja 4:23

Nekbuter savorestar tuke chraňin tiro jilo, bo lestar avel o dživipen.

Izajaš 1:6

Nane pre tumende ňič sasto, le šerestar dži o peti žuže modrini, jazvi the otkerde rani, save nane obžužarde aňi sphandle aňi makhle le olejoha.

Izajaš 57:20

Ale o nalačhe hine sar o rozburimen moros, savo našťi ačhel čhit a lengre vlni čhiven avri o bahnos the e čik.

Izajaš 59:6

Lengra pavučinatar na ela gada, na učharena pes andre oleha, so hekľinde. Lengre skutki, so keren, hine nalačhe a o maribena hin andre lengre vasta.

Jeremijaš 20:8

Furt sar vakerav, mušinav zorales te vičinel: „O mariben the e pohroma avel!“ Anglo lav le RAJESKRO mange calo džives dophenen a keren man ladž.

Jeremijaš 30:12

Kada phenel o RAJ: „Tiri rana našťi sasťol avri a hiňi igen dukhaďi.

Jeremijaš 30:13

Nane vaš tu ko te zaačhel; nane ľikos pre tiro vredos, ňiko tut našťi sasťarel avri.

Jeremijaš 30:15

Soske roves vaš tiri rana? Tiri dukh našťi sasťol avri. Vaš tiri bari vina the vaš tire but bini tuke oda kerďom.

Jeremijaš 32:31

O nipi andre kada foros ole dživesestar, sar sas ačhado, dži adadžives man ča choľarenas a provokinenas. Mušinav te zňičinel o Jeruzalem

Jeremijaš 8:22

Či nane ľikos andro Gilead? Či nane ode doktoris? Akor soske na sasťon avri mire manuša?

Ezechiel 21:29

Kada phenel o RAJ, o Adonaj: ‚Vašoda, hoj mange leperďan tumari vina oleha, hoj sako šaj dikhel tumari vzbura a tumare bini dičhol andre savoreste, so keren, vašoda tumen zalena andro zajaťje.

Ezechiel 24:7

„Bo oda rat, so čhorde avri o vrahi, hino mek furt maškar o foros; čhide oda rat avri pre skala a na pre phuv, kaj les o prachos učharďahas andre.

Ezechiel 45:9

„ ‚Kada phenel o RAJ, o Adonaj: Imar dos, kraľale le Izraeloskre! Preačhen tumen te marel a te trapinel le manušen a keren oda, so hin lačho a spravno! Preačhen imar te zalel e phuv le manušengri, phenel o RAJ, o Adonaj.

Ezechiel 7:11

Le maribnastar bariľa e paca le nalačhipnaskri; ňiko le manušendar na ačhela, ňiko kajse dženendar, ňič lengre barvaľipnastar, ňič olestar, so hin vzacno.

Ezechiel 7:23

Pripravin o lanci! Bo pre phuv pes čhorel avri pherdo rat a andro foros hin pherdo mariben.

Sofonijaš 3:1

Vigos le zacate, meľarde foroske, so trapinel peskre manušen!