Jeremijaš 38:9 - Le Devleskero Lav Andre Romaňi Čhib Slovensko 2021

⁹ „Kraľina, raja miro, kala murša kerde baro nalačhipen le prorokoske le Jeremijašiske. Mukle les tele andre chaňig a ode merela bokhatar, bo andro foros imar nane maro.“

Jeremijaš 38:9 Iomraidhean Croise

O Job 31:34

Šoha na daravas olestar, so phenena o manuša, a na izdravas olestar, hoj man tele dikhena o fameliji, vašoda na somas čhit a na ačhavas andro kher.

Jeremijaš 19:9

Lengre ňeprijaťeľa len obkľučinena a kamena len te zňičinel. Obkľučinena len avke zorales, hoj o manuša andro foros bokhatar chana jekh avres a mek až the peskre čhaven the čhajen.‘

Jeremijaš 37:21

Akor o kraľis Cidkijah prikazinďa, hoj le Jeremijaš te stražinen pre dvora le stražňikengri a te den les sako džives jekh maro andral e Pekarengri uľica a oda ľikerelas dži akor, medik sas o maro andro foros. Avke o Jeremijaš ačhiľa pre dvora le stražňikengri.

Jeremijaš 38:10

Akor o kraľis prikazinďa le Ebed-Melechoske: „Le tuha adarik tranda muršen a cirden avri le Jeremijaš andral e chaňig, sigeder sar merela.“

Jeremijaš 38:8

Sar avelas avri o Ebed-Melech andral o palacis, phenďa le kraľiske:

Jeremijaš 39:17

Ale me tut zachraňinava andre oda džives a na dochudeha tut andro vasta ole muršengre, savendar tut daras, phenel o RAJ.

Jeremijaš 52:6

A andro štarto čhon the eňato džives, sar andro Jeruzalem sas bari bokh a le manušen na sas so te chal,

Roviben le Jeremijašiskro 1:11

Savore lakre manuša roven, roden o maro, savore vzacna veci den vaš o chaben, hoj peske te zachraňinen o dživipen. „Dikh, RAJEJA, všimňin tuke, hoj som teledikhľi.“

Roviben le Jeremijašiskro 3:53

Čhide man andre bari jama, hoj man te murdaren, a čhivkerenas andre mande le barenca.