Jeremijaš 17:6 - Le Devleskero Lav Andre Romaňi Čhib Slovensko 2021

⁶ Ela sar o krakos pre pušťa a na dikhela, sar avel o lačhipen. Bešela pre pušťa andre avrišuki phuv, andre lonďi phuv, kaj ňiko aver na bešel.

Jeremijaš 17:6 Iomraidhean Croise

2. Kraľengro 7:2

Ale le kraľiskro nekpašeder veľiťeľis, phenďa le Elizeoske: „Kajte o RAJ phundravela o oblaki pro ňebos, kada pes našťi ačhiľahas!“ „Pre tire jakha oda dikheha, ale na chaha olestar,“ phenďa leske o Elizeus.

O Job 20:17

Imar na dikhela pro prudi le paňeskre aňi pro potoki, sar čuľan o thud the o medos.

O Job 39:6

Diňom leske o than, kaj ňič na barol, sar leskro kher a domukľom leske te bešel pre lonďi rovina.

Žalmi 1:4

Avres hin le nalačhe manušenca! On hine sar o phus rozphurdlo la balvajaha.

Žalmi 107:34

e uľipnaskri phuv pro than, kaj na barol ňič, vaš o nalačhipen olengro, ko ode bešen.

Žalmi 92:7

O nagoďaver manuš oda na džanel a o dilino oda na achaľol.

Izajaš 1:30

Avena sar o dubos, pal savo peren tele o prajti, sar e zahrada bi o paňi.

Jeremijaš 29:32

kada phenel o RAJ: Dikh, me marava le Šemajah andral o Nechelam the leskre potomken. Na ačhela lestar aňi jekh dženo, ko bešľahas maškar leskre manuša, a ov na dikhela oda lačho, so kamav te kerel prekal mire manuša, phenel o RAJ, bo kerelas upre le manušen, hoj pes te ačhaven pre mande.‘ “

Jeremijaš 48:6

Šunďola te vičinel: ‚Denašen, zachraňinen tumenge o dživipen! Kajte ačhena korkore sar o krakos pre pušťa!‘

Ezechiel 47:11

Ale o močara the o mlaki na sasťona avri; ena mukle le manušenge pro lon.

Sofonijaš 2:9

Vašoda avke sar me dživav,“ phenel o Nekzoraleder RAJ, o Del le Izraeloskro, „o Moab doperela avke sar e Sodoma a o Amončana avke sar e Gomora, ačhela lendar o than la burinakro, e jama le loneskri the e pušťa pro furt. Mire manuša, save ode predživena, zalena lengro barvaľipen; ola, ko ačhena te dživel mire narodostar, zalena lengri phuv.“

5. Mojžišoskro 29:23

Akor savore narodi phučena: ‚Soske oda kerďa o RAJ kala phuvake? Soske kadi bari choľi?‘

Sudcengro 9:45

O mariben ľikerelas calo džives. O Abimelech the leskre murša domarde o foros, murdarde savore leskre manušen, čhide tele o foros a rozčhide upral leste o lon.