Jeremijaš 10:13 - Le Devleskero Lav Andre Romaňi Čhib Slovensko 2021

¹³ Sar leskro hangos herminel, hučinen o paňa pro ňebos; pal o agor la phuvakro anel o chmari. Bičhavel o bleski le brišindeha a andral peskre skladi mukel avri e balvaj.

Jeremijaš 10:13 Iomraidhean Croise

1. Mojžišoskro 2:5

mek na sas pre phuv ňisavi rastlina a na barolas ňič, bo o RAJ, o Del, mek na diňa brišind pre phuv, a na sas ode aňi manuš, savo kerďahas buči pre maľa,

1. Kraľengro 18:41

Paľis phenďa o Eliaš le Achaboske: „Dža, cha a pi, bo me šunav o hangos le bare brišindeskro.“

O Job 38:22

Či salas andro skladi le jiveskre? Abo dikhľal o skladi, kaj hin o ľegoskre krupi,

Žalmi 104:13

Cinďares o verchi andral tire uprune khera; e phuv hiňi čaľi le ovocendar tira bučatar.

Žalmi 135:17

Hin len kana, ale na šunen, aňi našťi dichinen peskre mujenca.

Žalmi 135:7

Prianel o chmari dži pal o agor la phuvatar; bičhavel o bleski le brišindeha a mukel avri e balvaj andral peskre skladi.

Žalmi 147:8

O ňebos učharel andre le chmarenca, bičhavel pre phuv o brišind a del, hoj e čar te barol pro verchi.

Žalmi 18:13

Andral leskro švetlos avenas anglal leste o chmari, o brišind le krupenca the o jagale angara.

Žalmi 68:33

Tumen, o kraľišagi la phuvakre, giľaven le Devleske! Lašaren la chvalaha le Rajes,

2. Mojžišoskro 9:23

Sar o Mojžiš hazdňa peskri paca ko ňebos, o RAJ kerďa, hoj te herminel, te del o brišind le krupenca a te maren o bleski pre phuv. Avke o RAJ kerďa andro Egipt,

Jeremijaš 14:22

Či šaj o modli le narodengre den o brišind? Abo či o ňebos del korkoro pestar o prehanki? Či oda na sal tu, RAJEJA, Devla amaro, ko oda kerel? Pre tute pes mukas, bo ča tu kada savoro keres.“

Jeremijaš 19:12

Kada kerava kale foroha, phenel o RAJ, a the olenca, ko andre bešen. Kada foros ela sar o Tofet.

Jeremijaš 5:24

Aňi peske na phende: ‚Aven daras pes le RAJESTAR, amare Devlestar, savo del o brišind andro spravno časos. Ov del o jesuno the o jaruno brišind a the o kurke, andre save pes skidel upre o uľipen.‘

Jeremijaš 51:16

Sar leskro hangos herminel, hučinen o paňa pro ňebos; pal o agor la phuvakro anel o chmari. Bičhavel o bleski le brišindeha a andral peskre skladi mukel avri e balvaj.

Amos 4:13

Se dikh, ov kerel o verchi the e balvaj a le manušenge del te džanel, so gondoľinel; ov visarel o tosara pro kaľipen a phirel pal o brehi la phuvakre. Leskro nav hin o RAJ, o Nekzoraleder Del!

Zacharijaš 10:1

Mangen le RAJES, hoj te del o brišind jarone! O RAJ kerel o chmari la burkakre a bičhavel baro brišind savorenge, hoj te barol e čar pro maľi.