Jakob 4:17 - Le Devleskero Lav Andre Romaňi Čhib Slovensko 2021

¹⁷ Te vareko džanel te kerel o lačho, a na kerel oda, kerel binos.

Jakob 4:17 Iomraidhean Croise

O Evaňjelium le Janoskro 13:17

Te oda džanen, bachtale san, te oda the keren.

O Evaňjelium le Janoskro 15:22

Te na avľomas a na vakerďomas lenge, na uľahas len binos. Ale akana len nane vihovorka vaš lengro binos.

O Evaňjelium le Janoskro 9:41

O Ježiš lenge odphenďa: „Te uľanas kore, na uľahas tumen binos, ale akana phenen: ‚Amen dikhas!‘ Vašoda tumaro binos ačhel.“

Rimanenge 1:32

Kala manuša džanen, hoj le Devleskro zakonos phenel, hoj ko kavke dživel, zaslužinel peske o meriben. Ale on na ča, hoj oda keren, on mek the avre dženenge phenen, hoj oda šaj keren.

Rimanenge 7:13

Akor so? Oda lačho mange anďa o meriben? Šoha na! Ale hoj te dičhol o binos, hoj oda hin binos. O binos mange prekal oda lačho anel o meriben. Hoj pes prekal o prikazaňje te sikavel o binos, savo baro hino.

2. Peter 2:21

Bo feder lenge uľahas, te na prindžarel o čačipnaskro drom, sar te prindžarel a paľis te visarel pes andral oda sveto prikazaňje, so lenge sas dino.