Jakob 1:26 - Le Devleskero Lav Andre Romaňi Čhib Slovensko 2021

²⁶ Te peske vareko tumendar gondoľinel, hoj hino pobožno, a na zľikerel peske e čhib, klaminel korkoro pes a leskri pobožnosť hiňi zbitočno.

Jakob 1:26 Iomraidhean Croise

O Job 15:13

sar visares tiri choľi pro Del a mukes avri andral o muj kajse lava?

O Job 30:11

Vašoda, hoj o Del pomukľa miri struna pro lukos a pokorinďa man, on pestar odčhide savore zabrani angle mande.

Žalmi 141:3

RAJEJA, ačhav le stražňiken paš miro muj! Stražin o vudar mire vuštengro!

Žalmi 32:9

Ma aven bi e goďi sar o graj abo o somaris, save pes mušinen te ľikerel pre uzda the pro zubadla, hoj pes te podden.

Žalmi 34:13

Oda, ko kamel o dživipen a kamel te dživel baro the bachtalo dživipen,

Prislovja 10:19

Ko vakerel but, šaj phenel vareso nalačho, ale ko zľikerel peskre vušta, hino goďaver.

Prislovja 10:31

Andral o čačipnaskro muj avel o goďaveripen, ale e previsarďi čhib ela čhimen avri.

Prislovja 14:12

Varesavo drom pes dičhol le manušeske lačho, no pro koňec ľidžal andro meriben.

Prislovja 15:2

O vakeriben le goďaverengro pricirdel le manušen te šunel o prindžaripen, ale le dilinengre vuštendar demel avri o diliňipen.

Prislovja 16:10

Te o Del ľidžal le kraľis andro lava, akor leskre vušta vakerena o čačipen pro sudos.

Prislovja 16:25

Varesavo drom pes dičhol le manušeske lačho, ale pro koňec ľidžal andro meriben.

Prislovja 19:1

Feder hin o čoro manuš, savo hino pačivalo, sar o dilino, savo klaminel.

Prislovja 21:26

calo džives žadinel buter a buter, ale o čačipnaskro rozdel ščirones a na sajinel.

Izajaš 1:13

Ma anen mange imar o zbitočna obeti! Džungľiľa mange tumaro kaďidlos, o inepos le Neve čhoneskro, o šabat the tumare zhromažďeňja. Našťi avri ačhav o nalačhipen andre tumaro zhromažďeňje!

Izajaš 44:20

Ajso manuš pes čaľarel le prachoha andral o bov, leskro jilo les klaminel a odcirdel, našťi pes zachraňinel aňi phenel: „Odi modla, so chudav andre miro čačo vast hin falošno del!“

Malachijaš 3:14

Tumen phenen: ‚Zbitočňe hin te služinel le Devleske. So amen hin olestar, hoj doľikerahas leskre zakoni a hoj sikavahas le Nekzoraleder RAJESKE, hoj amenge sas pharo vaš amare bini?

Matuš 15:9

Hijaba man lašaren, bo sikaven o sikaviben le manušengro.‘ “

Marek 7:7

Hijaba man lašaren, bo sikaven o sikaviben le manušengro.‘

Лукастар 8:18

Vašoda šunen mištes! Bo kas hin, oles mek ela dino, a kas nane, olestar pes lela mek the oda, so peske gondoľinel, hoj les hin.“

1. Korinťanenge 15:15

Bo te o mule čačes nane uštade andral o meriben a te le Kristus o Del na uštaďahas andral o meriben, ta akor amen uľamas o falošna švedki le Devleskre, bo amen svedčinahas pal o Del, hoj uštaďa le Kristus andral o meriben.

1. Korinťanenge 15:2

Prekal oda evaňjelium san zachraňimen, te les doľikerena avke, sar tumenge les vakeravas. Te na, ta akor hijaba pačanďiľan.

1. Korinťanenge 3:18

Ňiko pes korkoro te na klaminel! Te peske maškar tumende vareko gondoľinel, hoj hino goďaver pre kada svetos, mi ačhel dilino, hoj te avel goďaver.

Galaťanenge 2:6

Ale ola, kas o manuša ľikerenas sar vodcen, paš oda evaňjelium ňič buter na dothode – kajte man andre oda nane ňič, ko sas on, bo o Del na dikhel jekhe manušes barederes sar avres.

Galaťanenge 2:9

Ola, ko hine sar o slupi andre cirkev: O Jakob, o Kefas the o Jan sprindžarde e milosť, so chudňom le Devlestar. Avke podine mange the le Barnabašiske o čačo vast, hoj te keras jekhetane e buči: Amen maškar o aver narodi a on maškar o obrezimen.

Galaťanenge 3:4

Kajci but precerpinďan a zbitočňe? Pačav, hoj oda na sas savoro zbitočňe!

Galaťanenge 6:3

Bo te peske vareko pal peste gondoľinel, hoj hino vareko, a ov nane ňiko, korkoro pes klaminel.

Efežanenge 4:29

Ňisavo džungalo lav te na avel avri andral tumaro muj, ale ča lačho lav, so zoraľarel avren avke, sar kampel a anel e milosť olenge, ko šunen.

Efežanenge 5:4

Ma vakeren džungale, diline, abo nalačhe lava, ale radeder paľikeren le Devleske.

5. Mojžišoskro 11:16

Den tumenge pozoris, hoj pes tumare jile te na den te odcirdel, hoj te na oddžan te služinel avre devlenge a te lašarel len.

Kološanenge 4:6

Tumaro vakeriben mi el furt pherdo le kamibnaha, lačho sar o chaben le loneha, hoj te džanen, sar kampel sakoneske te odphenel.

Jakob 1:19

Mire lačhe phralale: Sako sig mi šunel, polokes mi vakerel a te na choľisaľol sig!

Jakob 1:22

Aven ola, ko dživen pal le Devleskro lav, a na ola, ko ča šunen a oleha pes korkoren klaminen.

Jakob 2:20

Kames, hoj tuke te sikavav, tu nagoďaver manušeja, hoj o pačaben bi o skutki hino mulo?

1. Peter 3:10

Bo hin pisimen: „Oda, ko kamel, hoj les te avel bachtalo dživipen, a kamel te dikhel o lačhe dživesa, mi zľikerel peskri čhib le nalačhestar the peskre vušta, hoj te na vakerel o klamišagos,