Jakob 1:16 - Le Devleskero Lav Andre Romaňi Čhib Slovensko 2021

¹⁶ Ma den tumenca avri te thovel mire lačhe phralale!

Jakob 1:16 Iomraidhean Croise

Matuš 22:29

O Ježiš lenge odphenďa: „Tumen na achaľon ňič, bo na prindžaren le Devleskro lav aňi leskri zor.

Marek 12:24

O Ježiš lenge odphenďa: „Tumen čačes ňisoske na achaľon, bo na prindžaren le Devleskro Lav aňi leskri zor.

Marek 12:27

O Del nane Del le mulenge, ale le džidenge. Tumen čačes ňisoske na achaľon.“

Skutki 1:15

Andre ola dživesa ušťiľa upre o Peter maškar savore učeňika. Sas ode vaj šel the biš (120) manuša. A phenďa:

1. Korinťanenge 6:9

So na džanen, hoj o načačipnaskre na zďeďinena o kraľišagos le Devleskro? Ma klaminen tumen korkoren! O binošna manuša na zďeďinena o kraľišagos le Devleskro: Aňi o lubara, aňi o modlara, aňi ola, ko keren lubipen pašal o rom vaj pašal e romňi, aňi o homoseksuala, aňi ola, ko lenca oda keren,

Galaťanenge 6:7

Ma klaminen tumen korkoren! Le Devlestar ňiko na asala. Bo savoro, so o manuš sadzinel, oda the kidela upre.

Filipanenge 2:12

Vašoda, mire lačhe phralale, sar furt man šunenas – oda na ča akor, sar paš tumende somas, ale mek buter akana, sar tumenca na som – keren buči pre tumaro spaseňje andre sveto dar anglo Del the andre bari pačiv.

Filipanenge 4:1

Avke, mire lačhe phralale, saven kamav a save mange chibaľinen, tumen san miro radišagos the miro lašariben! Vašoda, mire kamibnaskre phralale, ačhen zoraha andro Raj!

Kološanenge 2:4

Ale kada phenav vašoda, hoj tumen ňiko te na odcirdel le falošne vakeribnaha.

Kološanenge 2:8

Den tumenge pozoris pre oda, hoj tumen vareko te na lel andro otroctvos varesava prazdna the falošna filozofijaha, savi hiňi zathoďi pre le manušengre tradiciji the pro svetoskre sikavibena, a na pro Kristus.

2. Timoteoske 2:18

Kala džene odgele dur le čačipnastar, sar vakeren, hoj o mule imar ušťile andral o meriben a kaleha musaren varekaske o pačaben.

Židenge 13:1

O kamiben maškar o phrala te na preačhel.

Jakob 1:19

Mire lačhe phralale: Sako sig mi šunel, polokes mi vakerel a te na choľisaľol sig!

Jakob 1:2

Phralale mire, len oda sar baro radišagos, te pre tumende avela o všelijaka skuški.

Jakob 2:1

Phralale mire, sar ola, ko pačan andro Ježiš Kristus, andro Raj la slavakro: Ma dikhen pro manuš a ma keren rozďjel maškar o manuša.

Jakob 2:14

So hin olestar, phralale mire, te vareko phenel, hoj les hin o pačaben, ale nane les o skutki? Či šaj les oda pačaben zachraňinel?

Jakob 2:5

Šunen, mire lačhe phralale! Či peske na kidňa o Del avri le čoren andral kada svetos, hoj te ačhen barvale andro pačaben a te prilen o kraľišagos, pal savo o Del diňa lav olenge, ko les kamen?

Jakob 3:1

Phralale mire, ma keren tumendar savore učiťeľa. Se džanen, hoj amen o učiťeľa avaha zoraleder sudzimen.

Jakob 3:10

Andral oda jekh muj avel avri o lašariben the o košiben. Našťi oda avke avel, phralale mire!

Jakob 4:11

Ma vakeren namištes jekh pre aver, phralale! Oda, ko vakerel namištes pro phral, abo sudzinel peskre phrales, vakerel pro zakonos a sudzinel o zakonos. A te sudzines o zakonos, na sal oda, ko dživel pal o zakonos le Devleskro, ale sal leskro sudcas.

Jakob 5:12

Anglal savoreste, phralale mire, ma len vera aňi pro ňebos aňi pre phuv, aňi ňisavi aver vera. Ale tumaro „He“, mi el „He“, a tumaro „Na“, mi el „Na“, hoj te na peren andro odsuďeňje.

Jakob 5:19

Phralale mire, te vareko tumendar odgeľahas le čačipnastar a te les vareko visarďahas pale,