Ester 4:5 - Le Devleskero Lav Andre Romaňi Čhib Slovensko 2021

⁵ Avke e Ester vičinďa ke peste jekhe kraľiskre eunuchos le Hatach. Bičhaďa les ko Mordekaj, hoj pes te dodžanel, so les trapinel a soske pes avke ľikerel.

Ester 4:5 Iomraidhean Croise

Ester 1:10

Pal o efta džives, sar imar o kraľis Ahasver piľa but mol a sas andre lačhi dzeka, vičinďa peskre efta eunuchen: le Mehuman, le Biztas, le Charbonas, le Bigtas, le Abagtas, le Zetar the le Karkas.

Ester 1:12

Sar avle ke late o sluhi le kraľiskre ole lavenca, e kraľovna Vašti lenge odphenďa: „Na džav!“ Vašoda o kraľis choľisaľiľa.

Ester 4:10

Ale e Ester bičhaďa pale le Hatach, hoj te phenel le Mordekajiske:

Ester 4:4

Paľis avle la Esterakre služobňički pal e kraľiskri dvora the lakre eunuchi a phende lake savoro, so pes ačhiľa. La kraľovnake sas pharo a phenďa lenge: „Džan ko Mordekaj a čhiven pal leste tele o gada le gonestar. Uren les upre andro gada.“ Ale ov na kamľa.

Ester 4:6

O Hatach geľa ko Mordekaj pro pľacos, kaj sas e brana le kraľiskri, hoj lestar te phučel, so pes ačhiľa.

Ester 4:9

Avke o Hatach geľa ke kraľovna Ester a rozvakerďa lake, so phenďa o Mordekaj.

Rimanenge 12:15

Radisaľon olenca, ko radisaľon, a roven olenca, ko roven.

1. Korinťanenge 12:26

A te cerpinel jekh kotor, jekhetane leha cerpinen the okla kotora; a te lašaren jekhe kotores, jekhetane leha radisaľon savore kotora.

Filipanenge 2:4

Ma dikhen sako ča pre tumaro, ale sako the pre oda, so hin avrengro.

Židenge 4:15

Bo nane amen Nekbareder Rašaj, savo na achaľol amare slabišagenge, ale hin amen ajso, savo sas pokušimen andre savoreste avke sar amen, ale na kerďa ňisavo binos.