5. Mojžišoskro 2:8 - Le Devleskero Lav Andre Romaňi Čhib Slovensko 2021

⁸ Pregeľam pašal amare phrala, pašal o potomki le Ezavoskre, save bešen andro Seir. Džahas pal o drom Araba, so chudel pro juhos paš o Elat the paš o Ecjon-Geber, a paľis pes visarďam pre pušťakro drom, so džal andro Moab.

5. Mojžišoskro 2:8 Iomraidhean Croise

1. Mojžišoskro 25:23

O RAJ lake phenďa: „Andre tute hin duj narodi, ale kala duj narodi pes rozdžana. Jekh lendar ela zoraleder sar oda dujto a o terneder ela upral o phureder.“

1. Kraľengro 9:26

O Šalamun mek kerďa o loďi andro Ecjon-Geber, so hino paš o Elat, paš o brehos le Lole moroskro andro Edom.

2. Kraľengro 14:22

Sar muľa leskro dad, o Azarijah dochudňa pale o foros Elat a pale les budinďa avri.

2. Kraľengro 16:6

Andre oda časos o aramejiko kraľis peske zaiľa o foros Elat a le judske manušen odarik tradňa het. Paľis avle o Edomčana andro Elat te bešel a hine ode dži adadžives.

4. Mojžišoskro 21:4

Le verchostar Hor džanas le dromeha ko Lolo moros pro juhos, hoj te obdžan e phuv le Edomčanengri. Ale o manuša pal o drom našade e trpezľivosť

4. Mojžišoskro 33:35

Andral e Abrona gele dureder a kerde peske taboris paš o Ecjon-Geber.

5. Mojžišoskro 1:1

Kala hine o lava, so phenďa o Mojžiš savore Izraelitenge pro vichodos le Jordanostar pre pušťa, andre Araba pre aver sera paš o Suf, maškar o fori Paran the Tofel pal jekh sera a maškar o fori Laban, Chacerot the Di-Zahab pre aver sera.

Sudcengro 11:18

Paľis o Izraeliti džanas prekal e pušťa a obgele e moabiko the edomiko phuv. Doavle pre vichodno sera la moabika phuvatar a kerde peske taboris pal o paňi Arnon. Ale na pregele odarik, bo ode chudelas e phuv Moab.